No pasado 11 de novembro os alumnos de 4º da ESO participaron na carreira de orientación xunto con outros 4 institutos máis dentro do programa XOGADE para promocionar o deporte interescolar.

Por causa da COVID-19 no curso 2020-2021 non participamos ni tan sequera se chegou a realizar ningún evento XOGADE dentro da asociación deportiva Arenteiro, polo que os nosos xa tiñan ganas de abandoar as aulas temporalmente e rodar un pouco polas carballeiras do Carballiño.

E non o fixeron tan mal! Un dos nosos quedou en primeira posición dentro da súa categoría, moitos parabéns!

Álbum: CURSO 2021/2022 -> EF - Orientación

No pasado 11 de maio os nosos estudantes tiveron a oportunidade de asistir a unhas charlas sobre sustancias e conductas adictivas levada á cabo por membros da Guardia Civil así como persoal especialista neste tema.

Ademais, os nosos escoitaron de primeira man as testemuñas de varias persoas ligadas a Alcólicos Anónimos que nos puideron contar en primeira persoa as súas experiencias con este tipo de sustancias e as terríbeis consecuencias que tiveron nas súas vidas.

Os alumnos tiveron ocasión posteriormente de facer preguntas e apreciacións aos participantes, amosando grande interese e respecto polo tema.

Dende o IES Chamoso Lamas agradecemos enormemente a participación dos poñentes pola súa franqueza, sinxeleza e claridade á hora de tratar temas tan delicados como o de hoxe.

Durante o curso 2021/2022 puidemos desfrutar durante os recreos de actividade física non regulada (mediante o préstamo de material deportivo para facer actividade deportiva libre) e regulada mediante diferentes competicións organizadas polo departamento de Educación Física. 

Nas ligas participou tanto o alumnado de todos os cursos e modalidades así como o profesorado.

Entre elas destacamos as seguintes:

- Brilé (primeiro trimestre).

- Bádminton (segundo trimestre).

- Baloncesto (terceiro trimestre).

- Vóleibol (terceiro trimestre).

- Fútbol (terceiro trimestre).

Álbum: CURSO 2021/2022 -> EF - Recreos activos