IES Cabo Ortegal

De acordo co establecido no Decreto 8/2015, do 8 de xaneiro, polo que se desenvolve a Lei 4/2011, do 30 de xuño, de convivencia e participación da comunidade educativa en materia de convivencia escolar, constituíuse o Consello para a Convivencia Escolar da Comunidade Autónoma de Galicia e aprobouse a Estratexia Galega de Convivencia Escolar 2015-2020: educonvives.gal.

No marco desta Estratexia realizáronse no 2015 e no 2019 as enquisas de diagnose que permitiron identificar os puntos fortes e febles na xestión da convivencia e na resolución de conflitos nos centros educativos.

Transcorrida esta etapa é necesario elaborar unha nova estratexia de convivencia para o período 2021-2025, polo que faise necesario a realización dunha nova enquisa de diagnose de convivencia.

A recollida de datos farase mediante unha ferramenta informática en liña, de xeito automatizado e totalmente anónimo. Cubrir o cuestionario estímase que leva uns 10-15 minutos.

Ao longo desta semana facilitarase  o código de acceso á recollida de datos, sendo a data límite para cubrir a enquisa o 29 de abril (incluído).

Nas seguintes ligazóns pódese acceder aos diferentes formularios para a recollida de datos de cada sector da comunidade educativa:

• FAMILIAS: https://www.edu.xunta.gal/convfamil
• ALUMNADO ESO: https://www.edu.xunta.gal/convobrig
• ALUMNADO BAC E CICLO: https://www.edu.xunta.gal/convpost
  
• PERSOAL NON DOCENTE: https://www.edu.xunta.gal/convpas
• PROFESORADO: https://www.edu.xunta.gal/convdoce

Agradecémoslle a súa colaboración e participación nesta recollida de datos.

A historia da peregrina Exeria é unha desas historias inspiradoras que todo o mundo debería coñecer. Viviu no século IV d.C. e nesa época iniciou unha atrevida viaxe en solitario ata a Terra Santa, Exipto e Mesopotamia. As súas impresións sobre o periplo, as paisaxes e as xentes que foi vendo durante meses foinas recollendo nun libro, o Itinerarium Egeriae.

En honor a esta curiosa e independente muller, considerada a primeira escritora galega da que temos coñecemento, os Equipos de Dinamización da Lingua Galega do IES Cabo Ortegal, do IES Pedro Floriani e do IES Illa de San Simón, en colaboración coa Biblioteca, convocamos conxuntamente o I Certame de microrrelato e fotografía Exeria. Nesta primeira edición, pareceunos que non había mellor tema para homenaxear a esta figura que as viaxes.

Pica aquí para acceder ás bases do certame.

O Equipo de Dinamización da Lingua Galega do IES Cabo Ortegal do curso 2023-2024 está integrado polos seguintes membros:

• Coordinadora: Sara Filgueira Lorenzo
• Representantes do profesorado: David Loureiro González e María Jesús Martínez Fustes
  
• Representantes do alumnado: Alba Martínez Fernández, Eric Castro Martínez e Sandra Fraga López
• Representante do persoal non docente: Carlos Castro Durán

O EDLG publica as novas sobre as actividades que organiza e outra información de interese na súa conta de Instagram.

I Campionato de Cubo de Rubik do IES Cabo Ortegal, organizado polo Equipo da Biblioteca en colaboración co Club de Ciencias no marco das actividades do Mes da Ciencia en galego.

Nesta mañá gris, a chuvia deunos unha tregua e por fin puidemos celebrar o tan agardado I Campionato do cubo de Rubik, que tiveramos que adiar.

Anxo Taracido, de 2º ESO, gañador da categoría de 1º, 2º e 3º ESO (2 minutos e medio)

Mónica Rodríguez, de 4º ESO, gañadora da categoría de 4º ESO e BACH (7,88 segundos)

Pica aquí para ver o vídeo resumo do campionato!