Como podes ver na imaxe, o equipo do IES de Becerreá acadou o primeiro posto na fase clasificatoria do Parlamento Xove 2023 na categoría da ESO, despois de vencer nos tres debates realizados. Nesta primeira fase participaron un total de 24 equipos e 96 alumnas e alumnos. No primeiro encontro debatiron contra o equipo do "Colexio Internacional SEK-Atlántico". No segundo impuxéronse ao "Colexio San José", tamén lucense. No último, tiveron como contrincantes aos rapaces e rapazas do "Colexio Plurilingüe Santa María". Os máis sinceiros parabéns para Laura Montaña, Laura Núñez, David, Samuel e Xulio, que terán que acudir agora á fase final do torneo que, coma sempre, se desenvolverá no Parlamento de Galicia en Compostela.

Como xa é habitual unha vez chegado marzo, o IES de Becerreá comeza a súa andaina por unha nova edición do torneo de debate escolar "Parlamento Xove" (https://xuventude.xunta.es/parlamento-xove). Neste caso, comeza a fase clasificatoria do mesmo na categoría da ESO, na que está inscrito o equipo formado por David Montaña, Laura Montaña, Laura Núñez (os tres de 3º da ESO) e Samuel Miñambres (de 4º), coordinados polo profesor Xulio Teixeiro. Por primeira vez desde a súa posta en marcha, esta primeira fase do torneo celébrase no Carballiño (na Residencia do Tempo Libre), e non na Coruña como era habitual. O tema de debate é "Está preparado o Estado do Benestar para afrontar os desafíos do envellecemento da poboación?" Atendendo aos resultados obtidos ata agora, seguramente vexamos a este equipo debatindo na fase final, así que moito ánimo para as nosas rapazas e rapaces, desexando que disfruten desta oportunidade única para amosar as súas competencias oratorias desenvoltas nestes meses pasados de preparción. 

O alumno de 3º da ESO, Carlos Corral, acadou a participación na fase final da X Olimpíada Filosófica de Galicia, á que só acoden 4 alumnos/as en cada unha das categorías, como se pode ver na imaxe. Isto danos unha idea precisa do logro conseguido por Carlos, a quen felicitamos e lle desexamos a mellor das sortes para o día 2 de marzo.

Ademais do vídeo que se presenta, AQUÍ podes ver unha selección de imaxes da xornada do venres 17 de febreiro.

Este é o propio relato da nosa alumna Sara de Alonso sobre a súa experiencia:

"O 10 día dez de febreiro fun a Santiago a unha clase maxistral sobre física de partículas, organizado por alumnas da Universidade De Santiago. Esta masterclass tiña a función de animar ás mulleres a estudar carreiras científicas, dándonos unha interesante charla sobre a física de partículas (aceleradores e detectores) e participamos activamente nunha investigación do CERN (Laboratorio Europeo de Física de Partículas Elementais). Finalmente fixemos unha posta en común cos datos que obtivemos cada unha de nós durante a práctica".

Dentro do cículo vermello pódese ver a Sara acompañada do seu profesor de Física e Química, Antón Pérez.

PREME AQUÍ para informarte sobre o evento desde a conta de Instagram da biblioteca. E AQUÍ para ver algunha imaxe do traballo desenvolto polo alumnado participante coa artista Laura Romero.

Sara de Andrés, de 1º de Bac, e Carlos Corral, de 3º da ESO, foron os representantes do centro neste evento (https://olimpiadafilosoficagalicia.weebly.com/), polo que acudiron á Facultade de Filosofía da USC para participar. Sara fíxoo dentro da modalidade de "disertación", dirixida ao alumnado de Bacharelato, paro o que tivo que elaborar un ensaio ou reflexión persoal argumentada sobre un subtema dentro do tema proposto para a olimpíada: "Fronteiras e xustiza global". Pola súa parte, Carlos inscribiuse na categoría de "dilema moral", dirixida ao alumnado dos dous últimos cursos da ESO, polo que tivo que abordar a resolución dun dilema moral proposto e ofrecer unha solución razoada e argumentada. Plenamente satisfeitos con esta primeira experiencia, están á espera de coñecer o resultado do traballo desenvolto.

O IES de Becerreá participou neste torneo desde os seus inicios (https://fundacionbarrie.org/torneo-debate-gal?newlang=galician), pero esta era a primeira vez que o facía cun equipo integrado por alumnado deste curso inicial da etapa secundaria. Isto ten un mérito especial para as/os compoñentes e o seu preparador (Xulio), xa que con só cinco meses escasos no centro e competiren con alumnado de 3º da ESO (máis experimentados), estiveron a punto de clasificarse para a fase final do torneo (despois de gañar o primeiro debate). Pese a todo, o mellor é comprobar como prendeu a semente do debate neste grupo vendo o seu desexo de participar, de novo, en futuras edicións que xa lles tardan en chegar.