Para conmemorar o Día Internacional da Eliminación da Violencia contra a Muller, dende a biblioteca ofrecémosvos unhas recomendacións lectoras, xa que somos conscientes do importante que é comezar a educar en valores de igualdade dende idades moi temperás.
No mes de novembro comezamos cos préstamos da biblioteca. Neste curso escolar, ademais de facer o préstamo coas familias, imos realizar un préstamo dende a aula.
Mirade que contentos marchan os nosos alumnos e alumnas para a casa cos contos, xa poden gozar da lectura en familia.
Por fin inauguramos a biblioteca e os nosos alumnos e alumnas puideron reencontrarse con Caselín (a nosa mascota) e gozar da nova decoración da biblioteca.
Dende a biblioteca queremos ofrecervos algunhas propostas lectoras para estes días. Esperamos que sexan do voso agrado. Premer na imaxe para acceder a elas.
O Día das Escritoras é unha iniciativa promovida pola Biblioteca Nacional de España en colaboración coa Federación Española de Mujeres Directivas, Ejecutivas, Profesionales y Empresarias (FEDEPE) e coa Asociación Clásicas y Modernas. Desde 2016 búscase reivindicar o labor e o legado das escritoras a través da historia.
Dende o CRA Raíña Aragonta conmemoramos a tres importantes escritoras españolas da literatura infantil como son Anna Llenas, Rocío Bonilla e Olga de Dios.
Por iso expuxemos algunhas das súas obras na nosa biblioteca, desexando que os nenos e as nenas gocen moito da súa lectura.
Algúns de vos xa me coñecedes, pero para os que nunca me vistes preséntome: son Caselín, un verme de cores. Vivo na vosa biblioteca porque encántame ler e durmo cada noite entre as follas dos libros, rodeado de moitas aventuras.
Vin vervos porque teño unha sorpresa na miña maleta, pero tamén un gran problema, esquecín o contrasinal de meu cadeado!!!
Axudádesme a recuperalo???
Tedes que superar varias probas para conseguir o número secreto.
Estades preparados???
Pois comeza o xogo!!!
Xenial rapaces, fixéstelo moi ben!
Despois desta sorpresa quérovos ensinar a través dun vídeo ese lugar tan máxico onde vivo, que é a biblioteca.
Xa case teño todo preparado para iniciar a miña viaxe.
Ademais déixovos o conto "ONCE DAMAS ATREVIDAS".
É unha historia que me encanta ler e espero que na miña viaxe me sucedan tantas aventuras como lle acontecen ás miñas once amigas.
Grazas nenos e nenas por gozar tanto coas actividades.
