blog da biblioteca

A chegada da primavera é sempre sinónimo de cor, alegría e comezo do bo tempo, por iso é unha das estacións preferidas dos máis pequenos.

Dende a biblioteca deixámosvos unha selección de libros para dar a benvida a esta estación.

O 2 de abril celébrase o Día Internacional do Libro Infantil e Xuvenil, coincidindo coa data de nacemento do escritor Hans Christian Andersen. O obxectivo desta conmemoración é promocionar os bos libros infantís e xuvenís, e espertar nos nenos/as o interese e o amor polos libros.

Ao alumnado de 5 anos B do CRA Raíña Aragonta encántalle os libros, por iso recoméndanos para ese día unhas lecturas moi especiais.

Na biblioteca do CRA Raíña Aragonta creamos un pequeno recuncho creativo, con diversos materiais para que os nenos desenvolvan a súa imaxinación e creatividade.

Para conmemorar o Día Internacional da Muller (8 de marzo) e a Semana da Prensa (do 6 ao 10 de marzo), dende o CRA Raíña Aragonta estivemos traballando con diferentes artistas femininas que tiveron que publicar as súas obras baixo un pseudónimo masculino ou co nome dunha figura masculina.

No seguinte vídeo podedes ver o resultado do noso traballo.

Para conmemorar o Día de Rosalía de Castro, o alumnado do CRA Raíña Aragonta realizou diferentes traballos artísticos mediante a técnica do colaxe. O recurso motivador destas elaboracións foron dúas obras artísticas da autora Lara Lars, nada en Salceda de Caselas en 1986.

Lara Lars é arquitecta e ilustradora. Famosa polos seus “collage” nos que se unen feminismo e surrealismo. Elabora estampas retrofuturistas e converte ás mulleres do pasado en mulleres empoderadas, protagonistas da súa propia historia.

Se queremos igualar os dereitos de homes e mulleres, é a nosa obriga como docentes educar en igualdade, independentemente de se é un neno ou unha nena.

Por iso, para celebrar o Día Internacional da Muller, presentamos unha selección de libros que nos axudarán a educar en igualdade.

A biblioteca de aula é un lugar de encontro, un recuncho literario que tamén educa na responsabilidade de coidar e manter os recursos dispoñibles. Ademais, favorece o desenvolvemento das habilidades comunicativas, esperta no alumnado o interese pola aprendizaxe, facilita a igualdade de oportunidades e favorece as situacións de aprendizaxe.

Neste curso, o alumnado das parroquias, están a gozar ao máximo destes novos espazos e de todos os recursos que cada mes chegan dende a biblioteca central. Encántalles pasar o seu tempo libre ollando contos e compartindo experiencias literarias cos seus compañeiros e compañeiras.

FEDELLA E FERVELLA ESTÁN DE VOLTA!

CHEGOU O MES DE FEBREIRO E CON EL UNHA CONMEMORACIÓN MOI ESPECIAL: O MES DA MULLER E DA NENA NA CIENCIA. PARA FESTEXALO, FEDELLA, FERVELLA E AS SÚAS AMIGAS ESTÁN DE VOLTA CON NOVOS EXPERIMENTOS! VOS ANIMADES A FACELOS? E QUE... FEBREIRO TAMÉN É TEMPO DE ENTROIDO E O DISFRAZ DE CIENTÍFICOS E CIENTÍFICAS VOS QUEDARÁ XENIAL! AQUÍ TEDES O SEU VÍDEO.