Skip to Content

Educación Infantil

AULAS GALEGAS

Bo día familias!!

 

Hoxe vímosvos falar dunha gran iniciativa a nivel Galicia que tiveron un grupo de mestres e mestras, a de crear un aula virtual onde se vaia colgando durante istos días que non hai actividade lectiva unha serie de contidos adaptados aos diferentes niveis escolares.

 

Tamén haberá actividades para educación infantil dividida por niveis (para 3 anos, 4 e 5). Nós participaremos como mestras de infantil e iremos subindo contidos co resto de compañeiras e compañeiros que participan de toda Galicia. Aconsellámosvos que lle votedes un ollo a todos os niveis, xa que haberá actividades diferentes pero que poderedes adaptar cos vosos nenos e nenas na casa.

 

Non se trata de que vos agobiedes con esta información, senón que vós poderedes coller as actividades que máis vos gusten e adaptalas como vexades. Trátase de darvos ideas para que sobre todo os nenos e nenas segan cunha rutina dentro das posibilidades que se teñan.

Os contidos de Educación Infantil colgaranse os Luns, Mércores e Venres.

 

Para comezar, este Luns tedes a secuencia e unha rutina diaria que podedes adaptar como mellor vos conveña, trátase de darvos unha idea. Despois encontraredes actividades con diferentes contos:

-Para 3 anos está o conto de "Cocorico", con diferentes enlaces para velo e diferentes actividades.

-Para 4 anos tedes o conto "Orellas de Bolboreta", tamén con enlaces e diferentes actividades.

-Para 5 anos atoparedes o conto "A mellor sopa do mundo", con distintas propostas de actividades.

Lembrade votarlle un ollo a todos os niveis, xa que todas as actividades son interesantes e podedes coller a que máis vos guste e adaptala, ou facer varias, deixámolo á vosa eleción.

Aquí tedes o enlace á páxina web, os niveis atopadelos no marxe dereito da páxina se ides baixando:

http://aulasgalegas.org/

 

Deixámosvos o enlace por nivel por si é máis doado:

- 3 anos: http://aulasgalegas.org/category/infantil-3-anos/

- 4 anos: http://aulasgalegas.org/category/infantil-4-anos/

-5 anos: http://aulasgalegas.org/category/infantil-5-anos/

 

Iremosvos facendo actualización coas actividades indicadas, lembrade que se colgan nesa páxina web os Luns, Mércores e Venres.

Saúdos a todos e todas!!!

 

Aviso ás familias de educación infantil

Boas familias!!!
En vista da situación actual do Coronavirus facémosvos chegar as recomendacións. 

 
 
Esperemos que toda esta situación pase o máis pronto posible, pero como ainda non se sabe como vai evolucionar, desde o equipo de infantil queremos mandarvos algunhas recomendacións para facer na casa cos nenos e nenas tal e como se indica desde a Consellería:
 
-Lectura de contos. Tamén podemos inventar historias cos nosos fillos e fillas, crear personaxes, cambialos, secuenciar a historia, cambiar os finais dos contos populares e inventarlle outros... empregando as técnicas de Gianni Rodari.
 
-Lecto-escritura, facer grafismos de letras, palabras, vocabulario de contos, estacións do ano,... todo esto podemos facelo de xeito manipulativo, facendo os grafismos nunha bandexa con lentellas, bicarbonato... borrar e volver facer. Facer carteis para as zonas e materiais da casa, traballar o nome, o nome e apelidos nosos, das nosas familias, dos nosos compañeiros...Xogar a encontrar letras, nomes ou palabras nas revistas, xornais...
 
-Xogos matemáticos, con dados, secuencias, contar obxetos cotiás, formar grupos numéricos ou series cos nosos xoguetes, obxectos cotiás...
 
-Xogos manipulativos no que traballen a psicomotricidade fina, facer collares, traballo con pinzas, coordinación óculo-manual...
 
-Xogo libre e xogo simbólico. Actividades ao aire libre no noso xardín da casa, ...
 
-Xogos de mesa.
 
-Obradoiros nos que fagan manualidades con elementos da natureza, experimentos, pintura...
 
-Cantar cancións, bailar e moverse,...
 
-Desfrutar do tempo en familia e colaborar nas terefas do fogar, dándolles responsabilidade e autonomía aos cativos e cativas.
 
 
Ademáis, aquí vos deixamos un exemplo de secuenciación diaria para que pasedes estos días na casa, podedes adaptala como mellor vos conveña:
 
 
 

Para a área de Música a mestra suxire alguhas recomendacións:

 

LITTLEEINSTEINS

https://www.dailymotion.com/video/xxkpmw

 

https://www.dailymotion.com/video/xxjsqj

 

https://www.dailymotion.com/video/xxjnkv

 

https://www.dailymotion.com/video/xxjnmo

 

https://www.dailymotion.com/video/xxjp0e

 

https://www.dailymotion.com/video/xxjp5d

 

https://www.dailymotion.com/video/xxjnol

 

https://www.dailymotion.com/video/xxjnqz

 

CANCIÓNS DEVAIANA

https://www.youtube.com/watch?v=X2Bx2BICEJU

 

https://www.youtube.com/watch?v=LaKkia1LSr0

 

https://www.youtube.com/watch?v=TsI7co5OWtg

 

https://www.youtube.com/watch?v=uS67TrEB_eE

https://www.youtube.com/watch?v=540c-MFbA6c

 
 
A mestra de Educación Física colgará as súas recomendacións no seu blog: https://ruthmariavarelamateos.blogspot.com//
 
 
Un saúdo a todos e todas, iremos actualizando o blog para darvos ideas de actividades para que realicedes cos cativos e cativas!

VIAXAMOS AO ANTIGUO EXIPTO!!

Boa tarde familias!!!
Xa estamos aquí un Venres máis para contarvos todo o que fixemos no noso taller.
Hoxe tocounos seguir traballando as civilizacións, polo que viaxamos ao Antiguo Exipto, civilización que están traballando os nenos e nenas de 4 anos.
Contáronnos una historia sobre o Antiguo Exipto no que aprendimos que alí reinaban os faraóns e faraonas como O Rei Escorpión, Tutankamón ou Cleopatra e a xente consideraba que eran divinos, como os deuses, que tiñan corpo de persoa e cara de animal: Horus, Anubis, Ra, Osiris, Bastet...

 

 
 
 
A xente, como os consideraba seres divinos e máxicos, construíulle as famosas PIRÁMIDES!! estas pirámides servían para enterrar aos faraóns, embalsamalos con vendas e convertilos en MOMIAS!!!! Despois metíanos nun sarcófago e como crían que eran divinos pensaban que vivirían outra vida, por iso os enterraban con xoias, xarróns, mobles e incluso comida!
Así de decorados estaban os sarcófagos e as pirámides por dentro:
 
 
 
No Antiguo Exipto había moitos oficios: Médicos para cada parte do corpo, granxeiros que cultivaban e criaban animais, e comerciantes que navegaban polo río Nilo levando mercancías, colleitas, persoas… era o Río máis longo de África!!!
 

 

 
 
Outro dos oficios que aprendimos foi o dos escribas, eran persoas que dedicábanse a copiar documentos, clasificar, inscribir... pero non escribían coma nós!!! facíanno con XEROGLÍFICOS!! e apuntaban todo nos PAPIROS, que estaban feitos cunha planta que nacía preto do Río Nilo.
Gracias á nosa compañeira María podemos ver un papiro de verdade, xa que un familiar seu viaxou ata Exipto e trouxo un papiro precioso para que o puideramos ver todos e todas, GRACIAS MARÍA!!
 
Despois de contarnos esta historia puxémonos a TRABALLAR!!
 
Primeiro fomos todos e todas a situar no noso mapa mundi onde estaba África e Exipto, e debuxamos o Río Nilo.
 
 
Despois dividímonos en tres grupos e decoramos os nosos propios papiros, están feitos con vendas, café e cola blanca. Pintámoslles xeroglíficos e faraóns, quedaron PRECIOSOS!!!
 

 

 

 
Logo fixemos os noso AMULETOS para que nos dean sorte e nos protexan, tal que como crían as persoas do antiguo Exipto.
 

 

 
Por último, decoramos uns murais con xeroglíficos e faraóns, tal e como estaban decoradas as pirámides por dentro.
Quedou todo chulísimo!!!
 

 

 

 

 

 
E ata aquí o taller de hoxe!
A próxima semana visitaranos a Asociación Cadelar, que xa coñecimos o ano pasado e que fai terapia asistida con animais en diferentes escolas infantís, colexios, centros de día, con persoas con anzhéimer… Virannos ensinar o coidado dos animais domésticos e traballaremos diferentes actividades lúdicas con eles aproveitando que estamos traballando este ano no Plan Proxecta "Protexe aos animais".
 
Lembrámosvos que xa se poden achegar as donacións para a Asociación Gatocan, que visitaremos o día 27 de Marzo. As recollidas faranse ata o día 23, animámosvos a todos e todas a participar xa que fan una labor increíble con máis de 200 gatos e 150 cans!!!
MOITÍSIMAS GRACIAS POLA VOSA COLABORACIÓN!!!
Ata o próximo día!!
 
 
 
 
 
 

 

Celebramos o entroido e mandamos unha mensaxe a uns novos amigos/as!

Boas familias, andamos xa de novo polo blogue para contarvos as últimas novidades.

Primeiro, queremos deixarvos os vídeos do noso festival de Entroido, que estivo xenial! Ademais dos mandados do Meco… fomos uns auténticos arqueólogos.
 
 
Moitas grazas por vir e participar no noso desfile e colaborar co Meco.
 
 
E logo, queremos amosarvos o noso vídeo resumo do proxecto das civilizacións, xa que estamos facendo un intercambio co colexio “ Anxo da garda” de A coruña. 
Moi pronto recibiremos deles o resumo do seu proxecto…. estamos ansiosos e ansiosas por  ver o seu proxecto.
Este vídeo está moi chulo, non dubidedes en premer no PLAY para velo; non vos ides arrepentir; asegurámosvolo!!
 
 
 
 
 
 
Deica pronto familias, estamos en contacto.
 

Obradoiro de cociña

 

Boas familias!!! Xa estamos aquí un día máis para compartir todo o que traballamos!!
 
A semana pasada visitamos o castro de Viladonga e vimos como vivían os castrexos e logo visitamos a Aldea de San Clodio. Pasámolo xenial!!!
Coñecimos a 8 vacas e a cadela Linda que as coida moi ben, tamén vimos galiñas e de seguido comezamos a visitar a aldea das formigas. Había formigas nunha nave espacial, en moto, en tractor, coche, … e visitamos o seu formigueiro. Tamén había outros personaxes como o caracol Pistón, a xoaniña Gastón, xirafas, serpes, polbos… Unha aldea de conto preciosa!!!
Aquí tedes a foto de recordo:
 
 
Esta semana aproveitamos para facer moitas cousas o Venres.
Comezamos a mañá visitando a biblioteca para seguir vendo contos de realidade aumentada sobre a intelixencia emocional relacionada co noso proxecto. Esta vez contamos o conto “A maxia dunha sonrisa” na que nos contaban unha historia dun neto e un avó e como podían facer para que o seu día sempre fose un día fantástico gracias a maxia das sonrisas.
 

 
Despois do recreo traballamos no noso taller, fixemos carautas con masa de follado sen glute e colorante alimenticio. Tamén fixemos algunhas con chocolate sen glute. Quedáronnos preciosas!! Somos uns grandes artistas e encantounos remexer coa masa e as cores, as nosas mans quedaron de cores e non sairon moi ben, pero cando as poñamos en remollo xa volverán ser as nosas mans!! Desfrutamos moitísimo!!!
E non podiamos marchar do cole sen degustar as nosas receitas polo que despois de comer xuntámonos para probalas, estaban boísimas!!!!
 
 
Xa estamos moi emocionados preparando o entroido e os nosos disfraces, e estamos desexando que chegue a semana que ven para celebrar o festival!! ESPERÁMOSVOS A TODOS E TODAS!!!!

 

❣ Día da Paz ❣

 

 
 

Boas familias!!
O Venres pasado foi un día especial porque non celebramos o noso taller habitual senón que celebramos o día da paz!!!
Despois do recreo todo o cole reuníuse no patio cuberto para celebralo todos xuntos.
Os nenos e nenas de 2º de primaria prepararon un poema e os de 3º representaron una obra de teatro preciosa!
Ademáis, os nenos e nenas de secundaria contáronnos o conto "O carballo da paz". Este conto traballámolo durante toda a semana nas aulas e conta a historia dun carballo máxico que axuda a xente a resolver calquera problema de forma pacífica porque é máxico, simplemente temos que sentarnos debaixo das súas follas e falar para así escoitar á outra persona e debatir ata chegar a una solución entre todos. Aquí tedes una mostra deste conto:


Entre todos decidimos crear o noso carballo da paz para que esté todo o curso no patio cuberto e nos axude a resolveros nosos problemas ou conflictos de xeito pacífico e autónomo. Para decorar este árbol todos os nenos e nenas decoraron unha folla, pintárona, puxeron a palabra PAZ ou escribiros algún lema, frase ou poema.

Para rematar este acto, cantamos e bailamos a canción de Chambao "Papeles mojados".

Despois os nenos e nenas de infantil decidiron contarnos que é para eles a paz e o importante que é!!! esperemos que vos guste.

Este Venres iremos de excursión a aldea de San clodio!!! estamos moi ilusionados e temos moitísimas ganas de ir xa que é una aldea convertida en conto!!!

Lembrade que teñen que levar calzado axeitado porque pode haber barro. Non será necesario que leven merenda porque levamos froita do cole, o que sí deben levar é auga e o xantar xa que non comemos no comedor.

Ata a próxima familias!!

 
 

 

✨ Coñecemos a Civilización india....✨

 

Boa tarde familias!!!

 

A semana pasada estivemos traballando moitísimo!!
O Xoves xuntámonos para realizar un mural para o día da paz con Draco como protagonista. Os nenos e nenas de 5 anos fixeron a Draco en grande e os nenos e nenas de 4 anos pintárono con pincel. Despois xuntámonos todo o infantil para facer que Draco non se enfadase e estivese contento resolvendo os conflictos de forma pacífica. Cada un de nós debuxou algo que podería alegrar a Draco e fixese que non se enfadara. O mural quedaou precioso, aquí tedes unha mostra:
 
 

 

 

 

 
 
O Venres comezamos o día na biblioteca, as profes Yolanda e Verónica axudáronnos a traballar un conto en REALIDADE AUMENTADA. O conto tiña uns códigos QR e coa tablet os debuxos de cada páxina cobraban vida!!! Foi unha actividade moi motivadora e gustóunos moitísimo, tanto que volveremos repetir dentro de pouco a experiencia con outros contos. O conto en cuestión titulábase “A medusa volveuse a enfadar”, en relación ao noso proxecto sobre intelixencia emocional.
 

 

 

 

 

 
Despois traballamos coma sempre no noso taller, esta semana tratou sobre a civilización dos indios, comezando así a cubrir os nosos pasaportes a través dos cales viaxaremos polas distintas civilizacións. Os nenos e nenas de tres anos contáronnos de donde veñen os indios, como eran as súas costumes, a súa alimentación, bailes,… e para rematar pintámonos de INDIOS!!! Pasámolo en grande!!

 

 
No próximo taller seguiremos traballando as civilizacións no que nos tocará convertirnos en EXIPCIOS!!
 
 

 

 

 

Relaxación e autocontrol

Ola familias!!!
Aquí estamos un día máis para amosarvos o que fixemos no noso taller.
Seguimos traballando o proxecto sobre intelixencia emocional e hoxe tivemos unha visita moi especial. Veu María, a mamá de Bruno (alumno de 3 anos) a impartir unha sesión de PILATES!!!!
Pasámolo xenial!! fixemos moitísimas cousas e o que máis nos gusta: MOVER O CORPO!!!

MOITÍSIMAS GRACIAS POR VIR, MARÍA!!!

Despois de esta sesión tan divertida seguimos traballando a nosa autoestima, rematamos as estrelas da fama que comezamos o Venres pasado (facendo o fondo onde as colgaremos) e pintamos un lindo mural plasmando as cousas que nos calman cando estamos enfadados, autocontrol.


Pasámolo en grande!!!

Aquí vos deixamos unha pequena mostra do taller.

Un saúdo familias e ata a próxima semana!!

 

                                            

Viaxe ao reino das emocións: A autoestima

Familias!!!

Xa estamos de volta despois das vacacións do Nadal! ;-)

Continuamos traballando no proxecto sobre intelixencia emocional “Viaxe ao reino das emocións” centrándonos neste caso na AUTOESTIMA, que é fundamental para o desenvolvemento de calquera nena ou neno mellorando o estado emocional, as relacións sociais e o desenvolvemento cognitivo.

Para traballar esta emoción decidimos crear as nosas ESTRELAS DA FAMA, imitando as estrelas que están no paseo da fama en Hollywood, pero as nosas quedaron moitísimo máis bonitas gracias á nosa gran creatividade!!!!!

Somos uns ARTISTAAAAASS!!

Tivemos que escribir o noso nome e pensar nunha actividade ou tarefa que se nos daba moi ben, algo no que realmente somos boísimos!! Algúns nenos e nenas eran grandes futbolistas, deportistas, cociñaban moi ben con papá e mamá, paseaban moi ben aos cans, axudaban na casa… todos temos moítisimas cousas que se nos dan moi ben e estivemos encantados de debuxalo na nosa estrela.

Aquí tedes unha mostra de cómo quedaron: PRECIOSAS!!! Decoraremos o noso centro con elas para que podan admiralas o alumnado e as nosas familias.

Apertas e ata o próximo día!!

 

 

Nós tamén temos moito que dicir...

Bo día familias!

Xa estamos aquí de novo un día máis para explicarvos todo o noso traballo da semana pasada.

O Venres celebramos un ano máis a Carreira solidaria para colaborar con Save the Children, este ano vai dedicada ás nenas e nenos do pobo Rohingya e todos os cartos recaudados irán para esta causa.

Gracias familias!!!

Ese mesmo día aproveitamos para conmemorar o día dos Dereitos dos nenos e nenas que foi o 20 de Novembro e o día Internacional contra a violencia de xénero que é o 25 de Novembro. Por mor destas conmemoracións a carreira de este ano foi por relevos.

Cada aula tiña que correr cunha antorcha violeta levada por unha nena e os demáis compañeiros e compañeiras tiveron que correr detrás para empoderar deste xeito a imaxe das mulleres. Pasámolo moi ben, corrimos moitísimo e GAÑAMOS TODOS E TODAS!!!

Ao finalizar a carreira cada clase pegou os seus lazos violetas nun mural para homenaxear ás mulleres e aos nenos e nenas vítimas da violencia machista.

Quedou precioso!!! :D

Tamén aproveitamos para conmemorar o día dos Dereitos das nenas e dos nenos. o Martes as nenas de 4º da ESO contáronos o conto de "Mahán e a cadeira vermella", na que nos falaban do dereito universal á educación e que aínda hai millóns de nenos e nenas que non poden asistir ao colexio coma nós. Gústounos moito este conto e tras rematar de contalo xogamos ao xogo da cadeira para gañar a nosa cadeira vermella para á clase e así cada vez que a vexamos lembremos que hai moitos nenos e nenas que non teñen dereito á educación.

O equipo de infantil queremos dar as gracias a toda a comunidade educativa pola súa colaboración e solidaridade.

MOITÍSIMAS GRACIAS!!!!

Aquí tedes unha mostra do traballo realizado Ata a próxima familias!!!!

 

 

Distribuir contido


by Dr. Radut