Skip to Content

Obradoiro Habilidades sociais e xestión emocional

Lun, 06/05/2024 - 06:21 — admin

Educar en positivo

Obradoiro organizado pola ANPA en colaboración coa Fundación Ayuda en Acción sobre as habilidades sociais e a xestión emocional como recurso para favorecer o desenvolvemento integral dos nosos nenos e nenas.

Será o próximo martes, día 14 de maio en horario de 16.45 h a 18.15 h.

A mesma contará con servizo de ludoteca para o alumnado do centro. 

No arquivo adxunto concrétanse as formas de inscrición.

ADMISIÓN ALUMNADO

Xov, 25/04/2024 - 10:12 — admin

Publicada a listaxe provisional de alumnado admitido para o curso 2024/2025. Esta información está á disposición das familias no taboleiro interior do centro. Lembren que tamén poden consultar o estados das solicitudes na aplicación admisionalumnado.

 

Obradoiro Convivimos coas TIC

Lun, 15/04/2024 - 08:26 — admin

Obradoiro para as familias "Convivimos coas TIC".

Obradoiro organizado pola ANPA en colaboración coa Fundación Ayuda en Acción sobre o uso seguro dos medios e recursos dixitais.

Será o próximo xoves, día 25 de abril en horario de 16.45 a 18.15h.

A mesma contará con servizo de ludoteca para o alumnado do centro. 

Nos arquivos adxuntos concrétanse as formas de inscrición.

 

 

Punto Laranxa

Xov, 21/03/2024 - 08:18 — admin

A Consellería de Cultura, Educación, Formación Profesional e Universidades publicou recentemente o Plan Integral contra o acoso e ciberacoso escolar, así como a actualización do Protocolo educativo para a prevención, detección e tratamento do acoso e ciberacoso escolar co fin de dar resposta a este tipo de situacións nos centros educativos da nosa comunidade autónoma.

Unha das medidas establecidas nestes documentos é a instalación do denominado Punto Laranxa en cada un dos centros de ensino. Trátase dun espazo físico onde calquera persoa poderá denunciar de xeito anónimo unha situación de posible acoso ou ciberacoso escolar.

No centro contamos co Punto Laranxa no corredor que leva cara a Biblioteca escolar desde o acceso á etapa da ESO.

Este punto consta dunha caixa onde calquera persoa pode depositar información relativa a unha posible situación de acoso ou ciberacoso escolar e, ademais, dun pequeno espazo onde o centro será quen de incorporar información adicional relacionada con esta temática.

Ademais, constituíuse o denominado Equipo ACAE (Actuación Contra o Acoso Escolar), un equipo docente encargado de levar adiante as medidas establecidas no devandito protocolo con relación á detección e á intervención ante posibles casos de acoso e ciberacoso escolar. Este equipo está formado por:

    • A dirección do centro: Mª del Camino Pereiro González
    • Xefatura do departamento de orientación e coordinadora de benestar e convivencia: Lara Real Lema
    • Un/unha docente nomeado/a pola dirección do centro para cada caso en función do alumnado implicado, que será a persoa instrutora do procedemento corrector, de ser necesario.

As persoas  que desde casa queiran enviar unha mensaxe denunciando un posible caso de acoso escolar ou ciberacoso poden facelo a través da páxina web.

Premendo no botón punto laranxa, situado na parte superior dereita da páxina web do centro, ábrese unha caixa na que se pode escribir a mensaxe. Esta chegará ás integrantes do equipo ACAE, quenes revisarán diariamente  as posibles denuncias.

Xornada de portas abertas

Lun, 26/02/2024 - 07:18 — admin

As xornadas de portas abertas terán lugar o vindeiro mércores 6 de marzo ás 12:00 horas.

Deixámosvos aquí o tríptico de benvida ao noso centro!!

Xornada de portas abertas

Terceiro premio nos Premios Innovagal

Xov, 15/02/2024 - 08:23 — admin

O CPI Plurilingüe Virxe da Cela de Monfero acaba de recibir un dos galardóns dos Premios Innovagal da Consellería de Cultura, Educación, Formación Profesional e Universidades da Xunta. Trátase dunha iniciativa que procura "poñer en valor a labor dos colexios e institutos que desenvolven enfoques didácticos innovadores para dar resposta ás necesidades particulares do seu alumnado. Grazas ao proxecto "MonferoSolidario", o noso centro alzouse co terceiro premio nunha das categorías, dotado con 3.000 euros e unha distinción durante catro cursos escolares. Podedes ler a noticia ao completo no seguinte enlace.

Semana de entroido - O Meco mada que...

Ven, 02/02/2024 - 09:46 — admin

Xa está aquí o entroido do CPI Virxe da Cela, e como non podía ser doutra maneira, aquí están os mandatos do Meco para esta semana tan especial!!

Semana de entroido - O Meco mada que...

Festival de Nadal 2023!

Mar, 26/12/2023 - 20:08 — admin

Este xoves 21 de decembro celebramos un ano máis o festival de Nadal.

Comezamos este marabilloso día coa visita de Inmaculada, gran traballadora que dedica moito tempo e cariño ao nosos amigos máis peludiños, desde a protectora de animais APADAN.

Como cada ano,  quixemos axudar cun mercadiño solidario, onde os nenos e nenas crearon infinitas manualidades como adornos navideños, colgadores para as chaves e moitas cousas máis. Tivemos a sorte de contar tamén co material proporcionado por APADAN, como calendarios, camisetas, chapas, ...

Grazas a este traballo e á colaboración das familias e profesorado conseguimos, ao mercar tantos agasallos, recaudar 823,60€, destinados íntegramente a APADAN. Esperamos que estos animaliños pasen unhas mellores festas de Nadal e dende o CPIP Virxe da Cela, animámosvos a adoptar.

Sen máis dilación, xa tedes aquí todas as actuacións para que poidades velas de novo con máis tranquilidade e para todas esas persoas que non puideron asistir. Esperamos que vos guste o noso traballo que foi feito con moito cariño e esforzo.

Gozade vendo os fabulosos bailes, as marabillosas obras de teatro e as fantásticas panxoliñas, tanto coma nós gozamos facéndoas.

 

1. VÍDEO PRESENTACIÓN.

2. BAILE EDUCACIÓN INFANTIL - PESADELO ANTES DE NADAL. (BAILE)

3. 1º EDUCACIÓN PRIMARIA - RUDOLF O RENO. (BAILE)

4. 4º EDUCACIÓN PRIMARIA - LOTERÍA DE NADAL. (OBRA DE TEATRO)

5. 2º EDUCACIÓN SECUNDARIA - ARTURO EN NADAL. (BAILE)

6. 3º EDUCACIÓN PRIMARIA - CRÓNICAS DE NADAL. (BAILE)

7. 1º + 2º EDUCACIÓN PRIMARIA - PAÍS DA FANTASÍA (PANXOLIÑA)

8. 5º EDUCACIÓN PRIMARIA - O GRINCH. (BAILE)

9. 2º EDUCACIÓN PRIMARIA - O ELFO. (BAILE)

10. 6º EDUCACIÓN PRIMARIA - FOGARES DE NADAL. (OBRA DE TEATRO)

11. 1º EDUCACIÓN SECUNDARIA - FROZEN. (BAILE)

12. 4º EDUCACIÓN PRIMARIA - REIS VS SANTA.(BAILE)

13. 3º EDUCACIÓN PRIMARIA - NOITEBOA PANAMEÑA. (PANXOLIÑA)

14. 3º + 4º EDUCACIÓN SECUNDARIA - SÓ EN CASA. (BAILE)

15. 6º EDUCACIÓN PRIMARIA - CONTO DE NADAL. (BAILE)

 

Ademais destas incribles actuacións, fixemos un concurso de imaxes de Nadal onde todo o alumnado recibiu un diploma por participar, xa que fixeron un traballo moi bonito.

Pero a clase gañadora deste ano foi: 4º Educación Infantil!!! Parabéns ao alumnado e a súa mestre. Queredes ver estas obras de arte? So tedes que facer click aquí. 

E xa por último, rematamos este magnífico festival coa chegada das nosas Maxestades os Reis Magos. Lembrade: Hai que portarse ben que Papá Noel mais Eles están a botar unha ollada a todo o que facemos. 

 

                                                     FELICES FESTAS A TODOS E TODAS!

Bono deporte

Ven, 15/12/2023 - 15:24 — admin

O alumnado de 2º da Ed. Primaria a 4º da ESO por estar inscrito no programa Xogade (en colaboración co Concello) pode acollerse ao Bono deporte ofertado pola Xunta.  

Dentro do Bono entra a compra de material e equipamento deportivo para o menor ou contratación de servizos relacionados coa práctica da actividade deportiva. Cada bono terá un valor de 120 € e terá a consideración de bono desconto do 80 % da compra ou servizo adquirido.

Os bonos estarán dispoñibles na web www.bonodeporte.gal así, como toda a información da convocatoría.

A descarga polas persoas beneficiarias será desde o 8 de xaneiro de 2024 ao 29 de febreiro de 2024.

 

 

Distribuir contido


by Dr. Radut