O Concello de San Sadurniño convoca as bases reguladoras para a concesión das bolsas escolares e as axudas para sufragar os gastos de servizos de conciliación da vida laboral e familiar.
A partida destinada a este efecto é de 20.000 euros, dos cales 15.000 irán destinados ó alumnado de estudos posobrigatorios (bacharelatos, ciclos formativos ou estudos universitarios oficiais) en centros públicos fóra do Concello de San Sadurniño e dentro do territorio de Galicia. Dentro desta partida orzamentaria tamén se destinarán axudas ó alumnado de estudos obrigatorios (Educación Infantil, Primaria e Secundaria).
Por outra banda, destinaranse 3.000 euros en concepto de axudas para cubrir gastos de servizos de conciliación da vida laboral e familiar
E por último, reservaranse 2.000 euros para atender posíbeis situacións socioeconómicas especiais.
As bases e os impresos para a solicitude destas axudas están a disposición das persoas interesadas nas oficinas do Concello ou na páxina web www.sansadurnino.es
O prazo para a presentación das solicitudes permanecerá aberto ata 1 de marzo de 2013, agás para as solicitudes de servizos de conciliación nas que o prazo estará aberto ata o 15 de novembro do presente ano.
Concellería de Educación e Igualdade
Concello de San Sadurniño
