Skip to Content

Outubro 2023

Apertura da biblioteca

Mar, 03/10/2023 - 10:03 — iriachapela

A biblioteca da escola xa está totalmente operativa e preparada para acoller aos usuarios e usuarias. 

O alumnado de Ed.Infantil e Primaria ten reservada unha sesión semanal para poder facer préstamos de libros e ler na propia sala. 

A rapazada de Ed.Secundaria ten a biblioteca á súa disposición durante os recreos para estudar, coller libros en préstamo, facer voluntariado, etc.

Para toda a comunidade educativa, a biblioteca abre tamén en horario de tarde (16h a 18h) os martes, mércores e xoves. Pódese consultar o calendario de apertura aquí.

Lentiña, Cova e Terreña agardan por vós!

Mochilas viaxeiras

Lun, 02/10/2023 - 22:11 — iriachapela

As Mochilas Viaxeiras abandonan Lentiña´s House para chegar aos fogares de toda a rapazada de Ed. Infantil e Primaria. Nelas, ademais de libros, podemos atopar miniaturas de animais, películas ou mesmo xogos de mesa! Mais o que non falta é o Caderno Viaxeiro no que poder facer unha recensión, deixar a opinión ou mesmo un debuxo do libro que máis gustou.

As mochilas estarán en cada casa unha semana, xa que, tal e como reflexionaban moitos nenos e nenas o curso pasado, necesítase tempo para poder desfrutar de todo o material!

No seguinte vídeo podemos ver unha pequena mostra das achegas da rapazada do curso 22/23:

 

 

Formación de usuarios e usuarias

Lun, 02/10/2023 - 21:54 — iriachapela

A biblioteca da escola comezou o curso fomando aos usuarios e usuarias, tanto de Ed. Primaria coma Secundaria. Como están distribuídos os fondos bibliográficos (zona de libro infantil, xuvenil, temáticos ou banda deseñada), a etiquetaxe de cores que organiza os libros segundo a idade, ou como atopar un libro concreto foron os aspectos tratados máis importantes.

Ademais, tamén se fixo o reparto de carnés para poder acceder non só aos préstamos da nosa biblioteca, senón tamén á plataforma E-LBE.2. Nela, temos acceso a recursos dixitais moi variados.

E, para rematar, o alumnado de 1º e 2º da ESO fixo unha xincana por equipos na que tiñan que localizar libros segundo o seu autor, sinatura, etc. Velaquí unha mostra da actividade:

Alumnado de 1º ESO na xincana

Alumnado de 1º ESO na xincana

Alumnado de 2º ESO na xincana

Alumnado de 2º ESO na xincana

Alumnado de 2º ESO na xincana

Alumnado de 2º ESO na xincana



by Dr. Radut