18/03/2019

O CPIP de Castroverde agradece a Nieves e Carmen, exalumnas deste centro e enxeñeiras que compartiran a súa experiencia académica e laboral Unha experiencia positiva que da exemplo de que as mulleres poden ter éxito, dirixir equipos e desenvolver proxectos de todo tipo: vías de comunicación, hidráulica, instalacións de hospitais, proxectos innovadores para frenar a radiación, para a transmisión de calor, relacionados co mundo agrícola,...

Esta actividade que foi unha excelente referencia tanto para as alumnas coma para os alumnos e esperamos que os anime a ver o apaixoante mundo das enxeñerías e a utilidade das matemáticas, a física, a tecnoloxía,... e a seguir formándose ao longo de toda a vida.

VIVINDO A POESÍA EN COMUNIDADE

O próximo martes 26 de febreiro terá lugar unha intensa xornada de lecturas compartidas en galego e en castelán sobre distntos fragmentos da obra de Federico García Lorca. Esta actividade, que implica á totalidade do centro educativo, está coordinada pola profesora Cristina González Grandas. Animamos a todos e todas a pasar pola biblioteca e presenciar a maxia da poesía lida polos rapaces e rapazas do CPI Plurilingüe de Castroverde.

O día 31 de xaneiro de 2019 tivo lugar unha Tertulia Dialóxica sobre unha selección de textos do diario de Ana Frank. A tertulia estivo coordinada pola profesora Nanda Suárez Méndez

O pasado 12 de decembro recibimos no centro a visita de D. Pablo Vila Lameiro, profesor no departamento de enxeñería agroforestal da Universidade de Santiago de Compostela.

O profesor Pablo Vila Lameiro realizou a súa tese doctoral sobre o estado do carballo albar no noroeste da Península Ibérica e é autor de varios libros relacionados co estudo agroforestal entre os que se encontran: “Conservación de madeiras”, “Estudo epidométrico e xilolóxico das masas de Quercus petraea” e “Operacións básicas nas industrias forestais”.

Durante a súa visita realizou unha exposición dirixida ao alumnado de secundaria, nela falou sobre a información que nos pode ofrecer a observación dos aneis de crecemento anual dunha árbore en canto a súa idade e os cambios climáticos aos que foi sometida. As árbores, son polo tanto un rexistro do tempo e un arquivo dos acontecementos pasados.

Posteriormente, o alumnado de 4º de Educación Primaria, coa colaboración do alumnado de 3º ESO, levou a cabo a actividade: “Dendrocronoloxía. Que nos contan as árbores?”

Para esta actividade aos alumnos/as se lles ensinaron cortes transversais de distintas árbores e, empregando fotografías das mesmas, calcularon a idade das árbores e investigaron sobre outros aspectos que podían aparecer nas mostras.

Para calcular a idade é preciso coñecer cando foi cortada a árbore e, contando cara ao interior, podémoslle dar a cada serie de aneis (claros, tempada de verán e escuros, tempada de inverno) o seu ano exacto de formación e a idade da árbore. Como ademáis, a anchura dos aneis conteñen información de todos os factores ambientais que inflúen na súa formación (auga, temperatura, luz, nutrientes, presenza de outras árbores, incendios, deslizamento de terrenos…), os alumnos e alumnas, poideron estudar outros aspectos como: a existencia de canas antigas, crecemento asimétrico, variacións no ritmo de crecemento, cicatrices… e indicar a que poideron ser debidas.