CALENDARIO DE EXAMES DE SETEMBRO

O martes 1, xoves 2 e venres 3 de setembro terán lugar os exames da convocatoria extraordinaria de setembro para os alumnos da ESO. No adxunto tedes as datas e horas de realización de cada exame.

NOTA: Aínda que no arquivo poñía 2013-14, o calendario está ben. Xa está corrixido. ESTE É O BÓ.

FONDO SOLIDARIO. LISTADO DEFINITIVO.

Con data 15 de xullo publicouse o listado definitivo do fondo solidario de libros de texto para o curso 2015-16, para os alumnos que cursarán 3º e 5º de Educación Primaria. Xúntase o arquivo coas listas.

O listado definitivo do fondo solidario para os alumnos que cursarán 2º e 4º da ESO, será publicado en setembro.

O xoves 16 e venres 17 podedes pasar polo colexio a recoller os libros en horario de 9:00 a 12:00 horas.

FONDO SOLIDARIO

RESOLUCIÓN PROVISIONAL

Coa data do 7 de xullo foi publicada a listaxe provisional dos alumnos admitidos no fondo solidario de libros para o curso 2015-16. Estas listas poden ser consultadas picando nos documentos adxuntos:

- Lista provisionais de admitidos para 3º e 5º de EP. Aparece a relación dos alumnos admitidos e os libros que recibirán.

- Lista provisional de excluídos para 3º e 5º de EP e as súas causas.

- Lista provisional de admitidos para 2º e 4º da ESO. Aparece a relación de alumnos admitidos. Non aparece a relación dos libros que recibirán porque estes serán adxudicados polo programa en setembro, unha vez estean feitas todas as matrículas e todos os libros entregados (os dos alumnos que teñen que examinarse na convocatoria de setembro). Isto fai que nestes cursos, os alumnos que teñen dereito ao fondo solidario, non poderán saber os libros que recibirán ata setembro e, polo tanto, saber cales teñen que mercar ata ese momento.

Contra esta resolución poderase presentar reclamación os días 8 e 9 de xullo na Secretaría do centro. As listas definitivas serán publicadas o 15 de xullo.

A entrega de libros para 3º e 5º de EP, terá lugar os 16 e 17 de xullo, no centro, en horario de 10:00 a 12:00 horas. Para calquera dúbida podedes chamar ao centro.

Na seguinte ligazón está o documento cos libros de texto para o curso 2015-2016 dos cursos de Educación Infantil, Primaria e Secundaria. Aparece tamén o material necesario para os diferentes cursos. Tede en conta as anotacións que aparecen. Para calquera dúbida podedes dirixiros á secretaría do centro.

AXUDAS PARA A ADQUISICIÓN DE LIBROS (cheques):

CURSOS: 1º, 2º, 4º e 6º EP. 1º e 3º ESO.           

PRESENTACIÓN DE SOLICITUDES:

1º e 3º ESO:

• Prazo ordinario (alumnos sen materias para setembro).... do 25 de xuño ao 27 de xullo.
• Prazo extraordinario (alumnos con materias pendentes para setembro) ..... do 2 de setembro ao 2 de outubro.

ENTREGA DE CHEQUES:

Educación Primaria, a partir do 10 de xullo.

Educación Secundaria (alumnos matriculados en xuño), a partir do 15 de xullo.

FONDO SOLIDARIO (banco de libros do colexio):

            CURSOS: 3º e 5º de EP. 2º e 4º ESO.

             LISTAS DE LIBROS ADXUDICADOS:             

• 7 de Xullo: Publicación das listas provisionais.
• 8 e 9 de Xullo: Prazo para reclamacións.
• 15 de Xullo: Publicación das listas definitivas.

             ENTREGA DE LIBROS:

•  3º e 5º EP: 16 e 17 de xullo.

•  2º e 4º ESO: farase en setembro, unha vez matriculados os alumnos da convocatoria de setembro.

CALENDARIO DE MATRÍCULA.

Novo alumnado de E. Infantil e de E. Primaria ... Do 20 ao 30 de xuño.

Alumnado de Educación Secundaria Obrigatoria:

Do 25 de xuño ao 10 de xullo  ... Alumnado que supere todas as materias en xuño.

 Datas propostas para axilizar o proceso de matrícula:

 1º ESO... 30 de xuño e 1 de xullo

 2º ESO... 2 e 3 de xullo

 3º ESO... 4 e 5 de xullo

 4º ESO... 8 e 9 de xullo

Do 1 ao 10 de setembro ... Alumnado con materias pendentes para setembro.

Neste último trimestre, en ambas aulas de 1º E.P. traballamos en distintos proxectos, todos eles relacionados co noso PLANETA e o ESPACIO.

Na entrada principal do Centro temos montada unha exposición cos resultados das investigacións levadas a cabo polo alumnado.

Os protagonistas destes proxectos foron os propios alumnos e alumnas, xa que as titoras só participaron como mediadoras e orientadoras dos equipos.Foron éstes os que buscaron a información, traballaron co material, elaboraron murais, maquetas...e por último espuxeron os seus descubrimentos ao resto dos equipos.

Queremos agradecer ás familias a súa colaboración co material que aportaron: foi moi variado!!!

O Diario Oficial de Galicia do 1 de xuño publica as dúas convocatorias polas que se regulan as axudas para os libros de texto do curso 2015-16:

- Orde do 21 de maio de 2015, que regula o fondo solidario de libros de texto para os alumnos que no próximo curso estean matriculados en 3º e 5º de EP, e 2º e 4º da ESO. Estes alumnos recibirán, segundo a renda de cada familia, un número determinado de libros do fondo solidario.

- Orde do 22 de maio de 2015, de axudas para a adquisición de libros de texto para os alumnos que no próximo curso estean matriculados en 1º, 2º, 4º e 6º de EP, e 1º e 3º da ESO. Estes alumnos terán un vale entre 90 e 180 euros para a compra de libros. O nivel de renda familiar non pode superar os 9000 €.

É requisito obrigatorio para ambas as axudas ter devoltos, ao final de curso, os libros do 2014-15 que aparecían na listaxe publicada na cristaleira do colexio e nesta páxina web. Recibiredes información da data e a forma de devolución.

 Prazos para presentar esta solicitude:

- Fondo Solidario (alumnos que cursarán 3º e 5º de EP, e 2º e 4º da ESO): do 2 de xuño ao 30 de xuño.

- Axudas para a adquisición de libros:

Alumnos que cursarán 1º, 2º, 4º e 6º EP: do 2 de xuño ao 1 de xullo.

Alumnos que cursarán 1º e 3º ESO:

Prazo ordinario: do 25 xuño ao 27 de xullo.

Prazo extraordinario: do 2 de setembro ao 2 de outubro (alumnos de 1º e 3º con materias suspensas para setembro).

Recollida de impresos, información e entrega das solicitudes,  na secretaría do Centro. Os impresos poden descargarse nos enlaces: https://sede.xunta.es (guía de procedementos e servizos), e en formato pdf no enderezo electrónico http://www.edu.xunta.es

A Consellería de Cultura, Educación e Ordenación Universitaria acaba de publicar unha relación do alumnado que adquiriu os libros do curso actual, 2014-15, co vale de axudas para a adquisición dos mesmos, onde, de acordo co previsto no artigo 14 d) da Orde do 28 de maio de 2014 (DOGA 30 de maio de 2014), aparece a relación dos libros que cada alumno/a terá que devolver ao finalizar o curso para a súa incorporación ao fondo solidario.

Os libros indicados serán entregados por cada alumno/a, na última semana do curso, ao seu titor.

Este listado estará exposto na cristaleira de entrada ao colexio ou poderá ser consultado premendo no adxunto que aparece a continuación.

Pois si! Temos o orgullo de confirmarvos que desta volta os nosos campións impuxéronse na fase Intercomarcal de Xogade. Máis alá do resultado, cómpre resaltarmos o seu carácter, autocontrol e madurez cos que enfrontan os novos retos e dificultades que atopan polo camiño. Seguiremos informando dos resultados de vindeiras probas. Parabéns!