Polo tanto, e tal como se dunha carta se tratase, vouvos ir escribindo e ofrecendo proximamente indicacións. Podedes escribirme por mail as vosas dúbidas, máis, non temades, xa que nesta materia, vai ser todo bastante teórico. Polo de pronto, tiñades para o venres 13 que ter feito os exercicios 13,14 e 15 da páxina 97 e o 16,17,18,19,20 e 21 da 98. Mentres seguimos neste modo ensaio e nos imos centrando neste tipo de traballo que nos resulta tan novidoso, podedes ir facendo en momentos libres o 2 da 99 e o 1 da 100.
A corrección? Colgarei para inicios da semana que vén as correccións destes exercicios. Por favor, non fagades trampa, non copiedes os exercicios corrixidos. Iso non só non serviría de nada, senón que cando revise os cadernos, vouno notar.
Metodoloxía: Polo tanto, a nosa maneira de traballar vai ser, en principio, unha semana de tarefas (esta) e outra de corrección.
E recordade, se tedes dúbidas, escribídesme ao mail, que se vos facilitou na páxina de inicio do CPI Cabo de Area.
Por certo, cónstame que non todos tedes correo electrónico. É o momento de ilo creando para ocasións coma estas nas que poidades ter que enviarme redaccións.
Mándovos un cordial saúdo a todos e a todas. Ánimo, que desta habemos saír máis fortes e con máis ganas de acudir á escola. Bótasevos de menos.