Biblio-Caselles

      Boas nenos e nenas!                                                           

   Aquí voso amigo Uncas, escribíndovos para desexarvos un moi bo feliz verán! Moi merecido por certo.

  Este curso, como todas e todos sabemos, foi algo "duro de pelar" pero ao fin o rematamos saíndo victoriosas e victoriosos. Espero que o pasarades ben nas diferentes actividades, no recreo, nos traballos cos compañeiros e compañeiras...Seguro as vades e os vades a botar moito en falta, pero algúns e algunhas vos veredes nestes meses. No caso de non ser así, en setembro boltaredes a vervos .

 Quixera despedirme dicindo que as vosas cartas foron incribles e os vosos debuxos aínda máis! que artistas! Algúns e algunhas este verán queredes pasalo en Maiorca, outros/as en Cabárceno... Tamén me escribíchedes moitos/as que vos gustaria ir a Paris e inclusive ata Australia! Pero, o que máis que gustou foi coñecer os vosos mundos ideais para pasar o verán, totalmente imaxinarios. Mundos cheos de tirolinas, unicornios, coches voadores, xeaderías e sobre todo...Piscinas!

Unha aperta enorme e ata o vindeiro cursos campioas e campións!

                                                                                                                                      UNCAS

Para despedir este curso 2020/2021 Uncas, a nosa mascota, escribiu unha carta a cada unha das clases. Na mesma, desexaba unhas felices vacacións de verán e tamén formulaba a seguinte pregunta: como serían as vacacións ideais para ti? A través da caixa do correo da biblio os rapaces e rapazas do CEP puideron facerlle chegar as súas respostas.

Os nenos e nenas de primeiro curso de EP desfrutaron dentro do espazo da biblioteca da clásica película Matilda, rindo a escachar e aprendendo o valor de ser diferentes así como a coñecer non só o que debemos mellorar senón tamén os aspectos positivos de cada un. 

Por outra banda, no CEP  o alumnado de terceiro e cuarto recibiu a visita do equipo de balomán Mecalia- Atlético Guardés, unha gran sorpresa para todos e todas. O motivo foi darlle visibilidade ao deporte feminino así como ao esforzo e constancia para conseguir o que queres. Esta visita xurdiu da semana da muller, onde o profe Adrián falounos da súa labor como entrenador dun equipo feminino do seu Concello.

Fai pouco máis dunha semana foi o día dos museos, e aínda que non fai moito poidéchedes desfrutar do noso museo virtual Ecoarte, achegamos este link (preme no azul) aportado polo Museo Massó para que accedades a este museo online e interactivo das rías galegas. 

Coñecíades todos os seres vivos que nos explican no mesmo?

Os nenos e nenas do Caselles actuaron e desfrutaron o venres 14 da compaña duns e outros no festival das letras, onde presenciamos bailes, cantos, recitais de poesía...Aquí quedan algunhas imaxes.

Estes días todas e todos estiveron, ademais de celebrando o día das letras na Semana Cultural, decorando os diferentes espazos do CEP. Aquí quedan algunhas mostras aínda que non todas.

Viva as nosas letras! Seguiremos celebrando este día o que resta de semana. 

Onte comezou a Semana Cultural no CEP Plurilingüe Pedro Caselles Beltrán. O certo é que foi un inicio ben emocionante. As actividades, que tiveron lugar na biblioteca entre onte e hoxe, foron desfrutadas (polo momento) polos cursos de 1º,2º e 4º. Porén, todos os grupos disfrutarán o que queda de semana doutras dinámicas, algunha moi apetitosas  xa o veredes. 

Aquí quedan algunhas imaxes do Contacontos acompañado cuns trucos máxicos a través da imprenta de xelatina, realizado por Moncho Leal (antigo mestre do Rosal) e a conferencia sobre Ecosistemas e Reciclaxe de Ángel Estévez (Enxeñeiro químico en Leuwarden, no norte de Holanda).

Por fin puidemos celebrar o día do libro tal e como agardabamos! Ao aire libre desfrutando dun roteiro cheo de libros e actividades. Roteiro organizado grazas aos rapaces e rapazas de quinto e sexto curso que xunto cas profesoras do equipo da biblio crearon un circuito configurado por seis estacións que atañen diferentes temáticas en relación aos libros da nosa biblioteca:

-Chefs Caselles (cociña)

-Plantas con flor(Kamishibai) 

-Vaia conto! (contos clásicos) 

-Monicreques (obradoiro de marionetas)

-Titiriteiros (expresión oral)

-Outras linguas (lingua de signos-alfabeto dactilolóxico)

En cada unha das estacións nomeadas levouse a cabo unha curta actividade de dinamización que rematou cun agasallo final. Como foi unha xornada moi dinámica, subiremos nos próximos días máis artigos para que non perdades detalles. Clica nesta imaxe para ver tódalas fotos.

Este 23 de abril o CEP Pedro Caselles rebosaba de "Sanchos", "Quixotes" e "Dulcineas" grazas ao fotocol que podedes ver na imaxe. Ademais os voluntarios e voluntarias deixaron o centro ambientado en relación a este día, e o certo é que lles quedou marabilloso! Non credes?

Non puidemos realizar os "obradoiros roteiros" por mor do tempo, xa que son ao aire libre, pero esta semana esperamos que o tempo nolo permita. Estamos desexándoo!