Biblio-Caselles

Hoxe fixemos entrega dos premios aos gañadores do concurso da biblioteca “Unha mente que invente”, no que o noso alumnado converteuse en científicos e científicas realizando uns inventos marabillosos.

Os gañadores do primeiro concurso da Biblioteca para este ano escolar foron:

• Hugo G., no 1º nivel.
• Daniela, no 2º nivel.
• Izan e Xoel, no 3º nivel.
• Nerea C., no 4º nivel.
• Anair e Lucía, no 5º nivel.
• Zaira e Sabela, no 6º nivel.

Todas as fotos AQUÍ

Parabéns a todos e moitas grazas por participar!

Bo día!

Chegou ao centro a maleta viaxeira, que contén libros e xogos relacionados co proxecto de centro “O camiño de Santiago”. A partires de hoxe están á vosa disposición na biblioteca do Caselles, animádevos!

A piques de comezar as nosas vacacións de nadal, dende a Biblio do Caselles queremos recordarvos que na entrada da biblioteca tedes recomendacións lectoras para estas datas.

Por un nadal cheo de lecturas!

Dende o Equipo de Biblioteca queremos desexarvos unhas felices festas, nas que non falten saúde e moito amor.

Con motivo do Día Internacional das Persoas con Diversidade Funcional (o próximo venres, 3 de decembro), queremos recordarvos que na Biblio do Caselles contades co recuncho da diversidade, onde podedes atopar libros sobre esta temática, xunto a outras como: diversidade familiar, diversidade cultural, igualdade de xénero, educación emocional…

Polas capacidades diversas.

Se queres… poden!

Hoxe, 25 de novembro, conmemórase o Día pola Eliminación da Violencia contra a Muller. Na biblioteca podedes atopar libros sobre esta temática, que como sabedes están á vosa disposición, expostos xunto ao precioso mural feito polos vosos compañeiros e compañeiras.

Valiente:

Cuando su alma se quebró,
se oyó por fin su voz:
«Cuánto más me desprecies,
más me querré yo.
Cuánto más me niegues,
más me afirmaré yo.
Cuánto más me pegues,
más débil te harás tú,
más fuerte me haré yo»

María Míguez

Atrévete a por a proba o teu inxenio e participa no concurso da biblioteca "Unha mente que invente". Pasa pola biblioteca, recolle un dos "sobres sorpresa" e... A inventar!

Na entrada da biblioteca tedes unha selección de libros terroríficos para que gocedes da lectura. Atrevédesvos? 

O pasado domingo, 24 de outubro, foi o Día das Bibliotecas Escolares. Por este motivo, onte celebramos a inauguración da biblioteca para este curso escolar coa estrea da película “Uncas, a historia do planeta que vive no Caselles”. Nesta produción os protagonistas son o alumnado voluntario de 6º de Primaria xunto coa nosa mascota, Uncas. 

Aquí deixamos un vídeo resumo desta xornada:

Queres coñecer esta historia ti tamén? A continuación podes visualizar a película:

Con motivo do Día das Bibliotecas Escolares, o domingo 24 de outubro, o vindeiro luns 25 terá lugar a inauguración da biblioteca escolar para o presente curso, 2021/2022. 

Por este motivo, todo o alumnado e profesorado do CEP Plurilingüe Pedro Caselles Beltrán está convivado á estrea da película "Uncas, a historia do planeta que vive no Caselles". Como entrada para este evento, empregarase o carné da biblioteca escolar.