As dependencias do centro dispóñense en catro edificios, un no que se atopa o comedor escolar (edificio 1), un no que se organiza a etapa de Educación Infantil (edificio 2) e outros dous nos que se dispón o espazo para o alumnado de Educación Primaria (edificio 3 e 4). A continuación precísase a distribución física do colexio:
- Edificio 1: destinado ó comedor, á cociña e ós almacéns.
- Edificio 2: no que se sitúan as aulas de infantil e a de psicomotricidade.
- Edificio 3: atópase a sala de mestres, a conserxería, os despachos de orientación e dirección, a biblioteca, a aula de Pedagoxía Terapéutica e Audición e Linguaxe e as aulas de 1º e 2º de EP.
- Edificio 4: no que se distribúen as aulas de 3º a 6º de primaria e os espazos para a ensinanza de música, inglés e plástica. Neste edificio tamén se atopa unha aula de usos múltiples e o patio cuberto, sendo empregado á súa vez como salón de actos.
Tamén se distinguen dous espazos para organizar os patios escolares, así como un polideportivo onde se organizan actividades extraescolares.
En definitiva, este centro conta cun amplo espazo e cunhas instalación acondicionadas cos materiais e mobles necesarios; respectando as normas de seguridade e accesibilidade e cumprindo coas condicións hixiénicas. Así pois, tanto os materiais tanxíbeis coma os espazos están nun estado impecábel, adaptándose á funcionalidade dos mesmos e ás necesidades do alumnado.
