Cursos anteriores

Onte, xoves 26 de abril, fomos de excursión ás fragas do Eume. Primeiro coñecimos ao noso guía, Segundo, que nos explicou as clases de árbores : os castiñeros , os abeleiros, ameneiros, carballos, loureiros, acivros, castiñeiros … entre outros; ademáis da gran variedade de fentos que se poden observar. Logo fomos a merendar á beira do río Eume. Despois pasamos por unha ponte colgante, foi moi emocionante!!

E finalmente explicounos a fauna que se adoita ver nas Fragas: esquíos (nós vimos un), reos no río, rás patilongas, sapiños troiteiros, salamántigas galegas, lagartixas da serra, bufos, petos reais,….

E o lugar onde se gardaban as castañas, as curripas, foi todo moi interesante.

Este artigo foi redactado polo alumno de quinto curso Patrick Espigulé Parapar.

Recibimos unha visita moi especial na escola!!! Coñecimos a Blues ,un can labrador que  trouxo a adestradora canina da clínica veterinaria A Marosa de Burela, Tachira Carmona. Blues está adestrado para axudar ás persoas, pode realizar sen problema as seguintes tarefas: quitar a chaqueta, recoller as chaves, abrir e pechar as portas, sacar a roupa da lavadora, tirar as cousas no cubo do lixo, etc..

A adestradora ensinounos como facer para que un can non nos morda, como acaricialo ou darlle de comer. Fixemos varios xogos con Blues moi divertidos e demostrounos que é un can moi intelixente e que sabe estar con nenos.

Esta actividade está dentro do Plan Proxecta que este ano estamos levando a cabo no colexio: "As nosas mascotas".

Os nosos alumnos de infantil e primaria acudiron á XII Semana de Prevención de Incendios celebrada no pabellón de A Veiga en San Cibrao, no concello de Cervo. Esta actividade esta promovida polo concello de Cervo, a fundación Mapfre, a Asociación Profesional de Técnicos de Bombeiros e Alcoa San Cibrao.

Podedes ver as fotos das actividades na galeria.

O martes, 5 de decembro, fomos visitar o Museo do Regal. Pero qué ben o pasamos! Ao chegar alí, en primeiro lugar, Alfonso, explicounos a historia do Museo. Era unha fábrica abandonada de coiro, e transformouna, con moito esforzo e pouco apoio, nun gran Museo. Logo nos puxeron un video onde puidemos ver  como comezou Alfonso a traballar,  cando estudou en Barcelona, as súas viaxes a diversos países, de onde saía a arxila, a fábrica de caolín de O Vicedo...