Neste curso foron moitas as actividades que fixemos todos os grupos do cole, con respecto ao proxecto Comenius que temos en marcha.
De entre elas, destacamos o noso traballo sobre pintura, en concreto traballamos sobre Miró e Picasso, as correntes pictóricas ás que pertencen e as súas obras máis importantes.
As actividades foron do máis variado: visionado de películas sobre eles, busca de información na biblioteca, análese da súa obra e incluso fixemos reproduccións dos seus cadros, e inventamos os nosos aplicando os conceptos aprendidos. Como colofón final, aproveitamos a visita dos nosos socios no proxecto, para facer unha exposición internacional conxunta.
Un dos traballos máis lucidos dos que fixemos foi unha representación teatral sobre o Guernica e que representamos na nosa visita a Francia.
Podedes ver os nosos traballos aquí. E incluso a actuación
Outro tema sobre o que traballamos foi a poesía. Traballámola na mesma liña que o anterior, a partir da análise de obras, xogando coa rima, versionando obras coñecidas e recitando. Por último, editamos un poemario coa recopilación de poesías e autores de todos os socios. Podedes velo aquí