Skip to Content

25-N: Día Internacional Contra a Violencia de Xénero

Fronte a violencia de xénero só cabe unha resposta... e moita,moita educación. A biblioteca escolar poder ser un deses lugares privilexiados onde comezar o percorrido da igualdade e o rexeitamento da violencia de xénero.

Introdución á robótica na biblioteca

Comezamos a intoducir a robótica na biblioteca ademais doutras propostas que imos de maneira progresiva incorporando á biblioteca.

Halloween

Sería pola exposición de cabazas do Samaín, polos contos que dan moito medo... o caso foi que apareceron na nosa biblioteca moitos seres monstruosos en Halloween... 

 

Magosto Interxeracional

Celebramos un Magosto interxeracional coa participación dos nenos e nenas, das familias (pais, nais, avós, avoas, irmáns pequenos...), da ANPA, dos voluntarios e voluntarias da Oficina do voluntariado do Concello de Padrón, da concelleira Lorena Couso e das mestras. Grandes e pequenos participamos nos xogos e degustamos postres caseiros e castañas asadas.

De novo, a posta en valor das actividades interxeracionais, dos xogos tradicionais  coa celebración dun Magosto participativo, lúdico e aberto á comunidade educativa.

Grazas pola vosa participación e colaboración!!!

 

Saída no outono

Xa fixemos a nosa primeira saída escolar previa a celebración do Magosto. Este curso foi posible antes da chegada da chuvia. Poidemos recoller ourizos, castañas, follas... e recoñecer moitos,moitos cogomelos.

 

Os morcegos non dan medo

O 24 de outubro continuamos a xornada de celebración do Día das bibliotecas cunha actividade promovida pola Asociación Drosera para Estudo e Conservación do Medio  Natural.

Descubrimos moitos tipos de morcegos, os morcegos galegos, a súa alimentación...  pero o máis importante da actividade foi reafirmarnos na idea de respectar e coidar os morcegos pola súa importancia na dinámica dos ecosistemas e comprometernos a transmitir na nosa contorma máis próxima a necesidade da súa conservación.  

A idea de que os morcegos son unha especie vulnerable e bonita xa a tiñamos moi asumida pola nosa implicación emocional con Rufus. Por iso, depois de escoitar,ver, preguntar, aprender moitísimo sobre os morcegos , xogamos a morcegos e fomos quen de debuxar moitos tipos de morcegos diferentes de moitas cores que incorporamos á exposición dos libros relacionados coa celebración do Samaín e o Halloween. Celebracións nas que sempre aparecen representados os morcegos asociados ao terror.

Agora nós xa sabemos que os morcegos non dan medo!!! Por iso queremos agradecerlle a Asociación Drosera a divulgación do seu traballo na nosa escola e axudarnos a por en valor o noso patrimonio natural. Grazas!!!  

 

  

      

Librarie´s Day

Comezamos a celebración do día das bibliotecas xa dende a primeira sesión da xornada lectiva para  poder compartir este día co noso auxiliar de conversa. Coa lectura de  "Zog" en inglés continuamos avanzando no proxecto "Os dragóns e outros seres fantásticos".

Logo da lectura adicamos un tempo a mirar , ler, descubrir, compartir...e emocionarnos coa nova colección relacionada cos dragóns que incorporamos no día de hoxe á biblioteca escolar para festexar este día. Unha nova adquisición de títulos relacionados co proxecto deste curso cos que vimos de actualizar a nosa colección cos fondos PLAMBE. 

Dragones e outros seres fantásticos

Dende a biblioteca escolar comezamos o proxecto "Dragones e outros seres fantásticos" descubrindo a Yomón en "Hijo de dragones".

Na cadeira dos contos, na hora de ler dos luns e dos xoves, agárdanos a lectura compartida deste álbum ilustrado. Non acabamos de decidir se é o relato ou as fántasticas ilustracións as que provocaron a nosa fascinación dende o primeiro momento da lectura. Este álbum precisa unha lectura lenta, reflexiva e compartida.

Tamén dende a biblioteca escolar, na reunión do comezo de curso coas familias, presentamos o proxecto deste curso (unha pequena exposición de libros). A nosa sorpresa foi comprobar que moitas familias xa estaban facendo o seguimento de "Hijo de dragones" co relato oral que os seus fillos e fillas transmitían na casa. 

 

O Xogo dos avós e das avoas

Promovidas dende a Oficina do Voluntariado do Concello de Padrón celebramos na escola as xornadas "Os xogos dos avós e das avoas" para por en valor o xogos tradicionais e promover espazos e tempos para o encontro interxeracional. 

Foi para todos e todas, grandes e cativos unhas xornadas lúdicas extraordinarias !!!

  

Curso 2019/2020. Chegada do auxiliar de conversa

Comezamos o curso 2019/2020. Este comezo de curso tivo un sabor agridoce. O inverno demográfico segue avanzando silenciosamente no rural galego. Por este motivo, actualmente no CEIP de Pousada Carcacía so queda en funcionamento unha unidade mixta de Ed. Infantil e Primaria. Non foi posible,a pesares de todos os esforzos da comunidade educativa, manter as dúas unidades da escola.

Pero tamén neste comezo do curso tivemos boas novas. Continuamos no PLAMBE e recibimos con moita emoción e entusiasmo o auxiliar de conversa que nos vai acompañar durante todo o curso.

Distribuir contido


by Dr. Radut