Blog

O pasado día 15 de maio, coincidindo co día das familias, inauguramos o noso pequeno recuncho de familias que Cipriano creou con fondos que poden ser de interese para as familias do noso alumnado. 

Queremos agradecer ao equipo directivo, ao claustro de mestres/as e a Bea (asesora de bibliotecas escolares) pola participación e apoio nesta inauguración. Pouco a pouco iremos facendo medrar este recuncho.

Moitas grazas a tod@s por seguir facendo medrar a Biblio de Cipriano.

O vindeiro luns 15 de maio, coincidindo co día das familias, ás 18.00h imos inaugurar o noso novo RECUNCHO DE FAMILIAS. Nel poderedes atopar libros de información que poden ser de interese para as familias do noso alumnado. 

No acto inauguración, recibiredes toda a información necesaria sobre este recuncho así como os carnets para aquelas familias que ao comezo de curso quixeron facerse socias da nosa Biblio de Cipriano. 

Deixámosvos o tríptico para máis información. 

Seguindo co noso proxecto de centro e baixo o lema "Lendo na vila, onde les ti?", o noso alumnado escolleu diferenetes recunchos do noso pobo para mostrarnos os seus libros favoritos. Desta maneira conmemoramos o Día do libro. Recoñeces todos os lugares?

Nunca deixedes de ler!!

Hoxe, 23 de febreiro, é o día de Rosalía de Castro e o equipo de biblioteca en colaboración co equipo de dinamización da lingua galega propuxeron ao alumnado crear uns cartaces con poemas de Rosalía de Castro.

Aquí podedes ver o bo resultado do traballo do noso alumnado e dos seus mestres e mestras.

No día de onte, e seguindo co noso proxecto de "Cipriano na Península Da Paz", tivemos a sorte de coñecer os nosos servizos de emerxencias. Visitáronnos os G.E.S. de Cervo, que nos ensinaron a saír dunha casa con moito fume, as primeiras nocións para realizar a RCP, subimos a un camión de bombeiros e extinguimos un fogo cun extintor. Todo o centro tivo a oportunidade de coñecelos e foi unha boa experiencia.