Cada ano polo Nadal, organizamos no centro un concurso de postais, que posteriormente son as encargadas de felicitar as festas á comunidade educativa. As postais gañadoras deste curso foron as seguintes:
Postal en grupo de 2º A de Ed. Primaria
Postal gañadora de 6º A de Ed. Infantil: Lucas Boado Silva.
NORABOA!
O alumnado de segundo preparou e gravou co gallo do Día Internacional da non violencia de xénero, a canción: "A porta violeta".
Como todos os anos celebramos O Nadal, con actividades que enchen o colexio de luz, cor e ledicia dos máis pequenos, que viven ilusionados estas datas. Aquí vos deixamos unhas fotografías para que olledes o realizado.
O alumnado que pertence a Aula de Teatro do IES de Cacheiras, representou para nós a súa obra: "As maletas dos contos viaxeiros". Alí atopamos antigos alumn@s do colexio. Viñemos encantados! Os nenos e nenas de quinto e sexto desfrutaron do espectáculo!
Moitas grazas pola invitación!
Na clase de Ciencias Naturais, os nenos-as de 3º recrearon o funcionamento dunvolcán en erupción.
Para o desenvolvemento da actividade construiron nas aulas os volcáns con distintos materiais. Estudaron as partes e o seu funcionamento. Posteriormente amosáronllelo ao alumnado de 1º e 4º de E.P.
Aquí vos deixamos as nosas recomendación lectoras para o Nadal 2022. Atoparedes suxestións para os máis pequerech@s, para os median@s e para @s maiores do colexio. Todas as lecturas teñen a temática do PDI deste curso: Diferentemente iguais. Esperamos que desfrutedes do tempo de lecer cun bo libro.
Bo Nadal!
O alumnado de 3º de E.P. participou nunha animada e divertida representación do libro Superzorro. Eles foron por un día Benito, Buñuelo e Bufón argallando un plan malvado para sacar a Superzorro da súa guarida.
Todos amosaron imaxinación,fantasía e grandes doses de humor coa animación.
O venres 16, o alumnado de sexto de Ed. Primaria tiveron a visita de Maite Vence e Manuel Vicente para presentarnos o libro "Estrelas Galegas da Ciencia". Unha historia de persoeiros e achados asombrosos.
É un libro para nen@s, ilustrado de ton divulgativo e divertido, que pretender explicar a historia da ciencia feita en Galicia e a dos seus persoeiros e achados científicos máis significativos.
Para rematar o mes de novembro, mes da ciencia en galego e en relación ao lema deste curso de Bibliotecas escolares de Galicia 2022: "Escribir á biblioteca escolar", dende o colexio, elaboramos a actividade: VERBAS DA CIENCIA.
O alumnado investigou, elixiu e redactou un texto sobre palabras relacionadas coa ciencia.
