Co gallo da celebración do Nadal en consoancia co PDI. “Tilandra no Camiño”, ao longo deste mes de decembro , á proposta do equipo de EDLG e da Biblioteca programáronse diferentes actividades para o alumnado, familias e para o profesorado.

-CONCURSO POSTAIS DE NADAL

Cada neno-a ou cada grupo clase aportou a súa postal realizada con diferentes materiais e técnicas. De todas elíxese unha postal entre o alumnado de 3º,4º,5º e 6º de E.Primaria e outra, entre o alumnado de 4º,5º e 6º de E.Infantil e 1º e 2º de E.Primaria .

O equipo de biblioteca e o EDLG, coas achegas feitas polo profesorado e polas preferencias feitas polo noso alumnado, realizamos unha selección de libros que poden ser do interese dos nen@s. Sen dúbida o mellor agasallo!

Regalar un libro é regalar unha viaxe a outros mundos, a un mundo de fantasía.

A rapazada de 5º curso atreveuse con esta adaptación de “Coplas de Nadal de Soutoxuste” do grupo Ailá e fixémola un pouco nosa. Viva o Nadal e viva o cole dos Tilos!

O alumnado de 2º de primaria felicitanos estas datas coa panxoliña “XA ME TARDAN” de Mamá Cabra. Bo Nadal as familias e amigxs!

Fixemos esta adaptación no curso de 6º do grupo Muxicas, da canción “no ceo de Belén”, facendo un acompañamento con instrumentos de percusión. Temos o ritmo no corpo! BO NADAL E FELICES FESTAS! 

Dende a escola debemos adicar tempo e esforzo propoñendo e desenvolvendo actividades que axuden a que a sociedade sexa máis xusta e igualitaria. Nas aulas elaboramos pegadas con lemas a favor dun Camiño en Igualdade, que debemos comenzar a percorrer dende aquí.

Co gallo do MES DA CIENCIA EN GALEGO, ao longo do mes de novembro, o noso alumnado desenvolveu diferentes experimentos.

En 4º de Ed. Primaria, descobren como se forma a erupción nun volcán.

En 1º de Ed. Primaria, experimentan o cambio de cores nas flores.

En 2º de Ed. Primaria, constrúen estructuras tridimensionais con palillos e plastilina de cores.

En 4º de Ed. Infantil, descobren que hai dentro das nubes a través do experimento Facemos chover.

En 5º de Ed. Primaria, convértense en youtubers de ciencia.

En 6º de Ed. Infantil, dentro do proxecto do Sistema Solar experimentan coa "area lunar".

Proximamente máis experimentos..!

Os alumnos e alumnas de 3º e 4º de E.P. participaron no obradoiro de heráldica organizado por un equipo pertencente ao Instituto do Padre Sarmiento. As monitoras introduciron a actividade dando información dos escudos, como se elaboraron e cales son os diferentes tipos. Seguidamente entregaron a cada nen@ unha carpeta co material necesario para que cada un fixera o seu propio escudo. Valoramos positivamente a actividade que os alumn@s desfrutaron moito.

A véspera de San Martiño o centro en colaboración coa ANPA celebrou o Magosto. O seguinte vídeo amosa o ben que o pasaron os nenos e as nenas do colexio. Como novidade un castañeiro foi o encargado de asar ricas castañas.

O mércores desta semana, tivemos unha visita moi divertida .Os Monifates agasalláronnos cun espectáculo onde o alumnado desfrutou da súa actuación. Un carromato tirado por dous músicos , os cales ao mesmo tempo que interpretan música tradicional galega fan que uns monicreques danzantes bailen sen parar. Os monifates no camiño, cóntannos a historia de Don Gaiferos e os seus amigos.

 Velaquí tedes unha pequena mostra do acontecido.