Contido popular
Título | Resumo |
---|---|
PROXECTO "A VACA" - GRUPO 3 ANOS |
Este proxecto está enmarcado dentro do P.D.I. “Tilandra medra sa”. Aínda que se levou a cabo ao longo do 3º Trimestre deste curso, o eixe motivador do mesmo desenvolveuse durante o segundo coas actividades levadas a cabo no Entroido, na que fomos disfrazados de vacas e leiteiros/as. A curiosidade polas vacas foi en aumento, tras descubrir unha mañá que a nosas clases estaban cheas de pegadas deste animal e nun recuncho da clase apareceu un cartón de leite. Todos estabamos moi emocionados…! tiñamos que aprender moitas cousas sobre aquel animal que nos visitara e que nos aportaba na nosa alimentación. O obxectivo principal deste proxecto documental foi iniciar ao noso alumnado de 3 anos na investigación, a elaboración de hipóteses, aprender a reflexionar e sacar conclusións… ; en definitiva a pensar e ser críticos. Durante este proxecto tiveron un papel moi importante as familias, sobre todo na aportación de información e materiais, así como na realización dalgunhas actividades como a “cow parade” cunha moi boa acollida polo que estamos inmensamente agradecidas. Entre as actividades desenvolvidas cabe sinalar a elaboración dun dossier con información, obradoiros de cociña, experimentos, un vídeo documental sobre a vaca e moitas máis actividades … Toda esta información está recollida no noso blog http://tilinhos.blogspot.com/ no apartado: “PDI: A vaca”. Alí poderedes observar todo o traballo desenvolvido polo alumnado de 3 anos. Agardamos a vosa visita!!!
|
ALIMENTACIÓN SAUDABLE VS NON SAUDABLE |
Como xa sabedes, neste curso académico o proxecto da nosa biblioteca e da nosa amiga Tilandra é a alimentación saudable. É por isto, que esta exposición xira ao redor deste tema. Para realizala fixemos dúas actividades que poden ver amosadas nas seguintes fotografías. A primeira delas, foi un mural relacionado coa alimentación do meu alumnado. Para a actividade os alumnos e as alumnas trouxeron das súas casas envases de alimentos que consomen a diario. Logo un a un, foron calculando, a través da información aportada polos ingredientes do envase a cantidade de azucre que contiña cada un destes alimentos. Deste xeito, fóronse decatando da grande cantidade de azucre que tiñan a gran maioría deles. O obxectivo principal da actividade era o de que o alumnado tomase consciencia da grande importancia que ten a alimentación e tamén do pouco saudables que son algúns dos alimentos que consomen día a día. A outra parte da exposición consistiu nunha búsqueda de información dun alimento, neste caso do figo. Para atopar a información máis importante fixeron grupos. Uns buscaron información sobre a figueira, outros curiosidades dos figos e os últimos unha receita elaborada con figos. Con esta actividade non só traballamos un froito, que como sabemos deben formar parte da nosa dieta diaria, senón que tamén coñeceron máis datos interesantes sobre o figo que non é consumido habitualmente por ningún deles. Como conclusión final, consideramos que esta exposición foi cando menos interesante e divertida para cada un de nós e grazas a ela achegámonos máis aos hábitos saudables.
|
A PATACA 3ºB |
Este curso traballamos :A PATACA . Buscamos a información adecuada a idade dos nenos, a súa historia: un tubérculo que proven de América do Sur (Perú e Bolivia), e cando chega a Galicia convértese nun alimento que substitúe a castaña que era o produtobase da alimentación. Tamén atopamos cancións populares, adiviñas e xogos sobre o tema. Fixemos arte con estampacións de selos de patacas bonecos e receitas de cociña. Aprendemos os seus beneficios e as súas propiedades
|
TILANDRA PENSA EN VERDE |
Este ano comezamos cun novo proxecto "TILANDRA PENSA EN VERDE", aprenderemos a importancia de coidar o noso planeta. Ao longo do curso realizaremos distintas actividades: saídas, conferencias e obradoiros
|
O FILLO DO REI |
Para rematar o ano adicado a Antonio Fraguas, ao longo do primeiro trimestre, o alumnado de educación primaria leron e traballaron "O fillo do rei e outros contos populares" da Editorial Galaxia. É un libro de contos populares recollidos e creados polo pobo que chegaron ata nós transmitidos de xeración en xeración. O autor homenaxeado nas Letras Galegas 2019 recopilou e coidou este patrimonio inmaterial galego. Como finalización do estudo asistiron ao Auditorio Constante Liste da Ramallosa onde Xoán Curiel e Charo Pita agasalláronnos cun teatro musical misturado coa narración oral.
|
8 DE MARZO DÍA INTERNACIONAL DA MULLER. "A TERRA EN FEMININO" |
O 8 de marzo de 1857, miles de traballadoras do téxtil saíron as rúas de Nova York co lema "Pan e rosas". Unha protesta polas míseras condicións laborais, a reivindicación de xornadas de traballo xustas e o fin da explotación infantil. Dende o centro quixemos sumarnos á conmemoración do Día Internacional da Muller e por iso elaboramos un cartel e un libro:" Mulleres polo medio ambiente". Este curso realzamos ás mulleres que loitan por preservar a terra, mulleres que son valentes, sabias, tolerantes emotivas... Para o libro "Mulleres polo medio ambiente", contamos coa colaboración das familias. MOITAS GRAZAS!
|
Kahoot sobre as Aves |
Kahoot realizado polo alumnado de 1ºB para traballar os contidos relacionados co proxecto "As Aves" http://www.edu.xunta.gal/centros/ceipostilos/node/575
|
Certame de poesía ANOMAR |
Os alumnos e alumnas de sexto de Educación Primaria participaron no certame de Poesía da Asociación Anomar. Ao longo do mes de novembro traballaron a composición de poemas en lingua galega e libremente optaron por presentarse ao concurso. Cal foi a nosa sorpresa que un alumnno do centro resultou premiado. Noraboa a Iván Fernández Montero. Parabéns! Deixamos o enlace da Voz de Galicia onde se recolle un artigo sobre a entrega de premios. |
Recomendacións lectoras para o Día do libro |
O alumnado de sexto de educación primaria, queren recomerdarvos algúns dos seus libros favoritos. Debuxaron a portada do libro e gravaron un audio. Se utilizades un lector de códigos qr, escoitaredes unha breve reseña dese libro. Esperamos que desfrutedes coas nosas recomendacións. Comezade xa!!!
|
O Tendal de Tilandra (Semana do Libro: 19 ao 23 de abril) |
O venres 23 de Abril celebramos o Día Mundial do Libro . Esta data é un motivo para valorar a importancia da lectura. Dende o centro tentamos fomentar o desenvolvemento dos nenos-as como lectores.
|
TILANDRA PEREGRINA |
Un curso máis, chega o momento de pór en marcha o Proxecto de centro: Tilandra no camiño. A primeira actividade que plantexamos foi o debuxo da mascota da biblioteca. Tilandra está preparada para camiñar, pero non un camiño calquera, senon: O CAMIÑO DE SANTIAGO. Así que pedímoslle ao alumnado de quinto e sexto que debuxaran a Tilandra peregrina. Estes foron algúns dos debuxos.
E aquí temos a nosa Tilandra Peregrina. |
RECOMENDACIÓNS LECTORAS |
O equipo de biblioteca e o EDLG, coas achegas feitas polo profesorado e polas preferencias feitas polo noso alumnado, realizamos unha selección de libros que poden ser do interese dos nen@s. Sen dúbida o mellor agasallo! Regalar un libro é regalar unha viaxe a outros mundos, a un mundo de fantasía.
|
OBRADOIRO XOGOS DO MUNDO | |
Visita Paco Barreiro |
O venres 29 de abril, visitounos o escritor Paco Barreiro, autor de "O Pirata Ataripo". O alumnado de cuarto desfrutou dunha charla moi amena e participativa. |
Asistencia a Regueifesta |
En colaboración co departamento de Dinamiación Lingüística do Concello de Teo, o alumnado de sexto, asistiu ao Auditorio de Galicia á festa das regueifas: A Regueifesta. Trátase dunha actividade didáctica impulsada polos proxectos Enreguéifate e Regueifesta que procura a participación da comunidade escolar na difusión da regueifa e da improvisación oral en verso. No encontro, interviron rapazas e rapaces que participaron no concurso, así como alumnado de Euskadi e de Catalunya, que improvisaron ao xeito do bertsolarismo e da glosa. Dinamizaron o acto Sechu Sende, Manolo Maseda, Lupe Blanco e Olalla Liñares. O alumnado desfrutou dunha mañá moi enriquecedora para a nosa lingua.
|
RAP 25-N |
As nenas e os nenos de quinto de educación primaria, compuxeron un rap en favor da loita en contra da violencia de xénero. |
VISITA Á CASA DAS CIENCIAS |
O alumnado de 5º de educación primaria, dentro das actividades programadas en febreiro, co gallo do 11F Día da muller e a nena na ciencia, visitou a Casa das Ciencias. Situada no parque de Santa Margarida na Coruña, consta dun planetario e tres andares con distintas exposicións. Unha mañá moi entretida, con experiencias de física, exposición de péndulos e exposición sobre astronomía. |
VISITA DE MONDRA |
Para conmemorar o Día das Letras Galegas, realizamos distintas actividades no centro. Unha delas é a visita dun cantante que comeza a despuntar na nosa terra. Martín Mondragón, coñecido musicalmente como Mondra é un artista teense, que o pasado mércores recibiu o premio Martín Códax na categoría Electrónica. Nova estrela do trad, un xénero que se inspira na música tradicional galega e a converte nun son actual. Os nenos e as nenas de quinto e sexto de primaria, bailaron ao carón da súa voz acompañado da pandeireta. Compartiron con Mondra, as curiosidades polo mundo da música e a súa traxectoria. Un encontro moi interesante para que o alumnado, entenda a importancia de visibilizar a nosa música e a nosa cultura. |
Enquisa profesorado 2018/2019 |
Cubre a enquisa e axúdanos a mellorar!! A vosa opinión é moi importante para nós.
Tedes ata o 5 de xuño para responder. Moitas grazas pola vosa colaboración. |
EXPERIMENTOS |
Ao alumnado de 4º quedoulle bo "sabor de boca" da semana dos experimentos que tivemos no mes de novembro polo que decidiron afondar no tema dos experimentos con fluídos (aire e auga). Concretamente, o alumnado de 4ºB estivo realizando unhas sesións de experimentos científicos, onde tiñan que realizar e explicar en que consistía cada un. Foi un traballo realizado en grupos de 4 ou 5 alumnos e que resultou moi enriquecedor. Deixo aquí o enlace ás presentacións dos traballos dos alumnos, espero que resulten interesantes...
https://edu.glogster.com/glog/experimento-con-maicena-e-auga/38twc3db9ao https://edu.glogster.com/glog/como-inchar-un-globo-sen-soplar/35jwurspti4 https://edu.glogster.com/glog/experimentos-con-aire-e-con-auga/30leal2mirg https://edu.glogster.com/glog/experimento-coa-auga/38xu6q28o2c |
OBRADOIRO DE REGUEIFAS |
O alumnado de sexto de primaria participou no Obradoiro de Regueifas, en colaboración co Concello de Teo. Actividade impartida por dúas regueifeiras: Alba María: cantora, compositora e regueifeira galega. Alén de realizar actuacións e ofrecer obradoiros, vaise asentando no eido da improvisación, sendo unha das poucas voces femininas e introducindo novos temas como o discurso de xénero na arte da regueifa. No 2017 publicou o seu primeiro libro Regueifa en Bergantiños. Sara Marchena: titulada en Lingua e Literatura Galegas, comezou a súa relación coa regueifa da man de Pinto de Herbón e Caruncho. Dende o ano 2017 imparte obradoiros de Regueifa con especial atención a Regueifa Feminista ou a perspectiva de xénero dentro do galego. Grazas polo voso traballo !
|
EXPOSICIÓN "TILANDRA MEDRA SA" |
|
QUÉDATE NA CASA E ACOMPÁÑATE DUN LIBRO |
Xa que de momento nos toca QUEDAR NA CASA e se achega o DÍA INTERNACIONAL DO LIBRO dende a biblioteca de Tilandra vos deixamos unhas propostas con enlaces de obras que se poden ler online gratuitamente.
CONTA CONTOS KALANDRAKA: https://www.kalandraka.tv/gl/seccion2.php?id=33 CONTA CONTOS DE COMBEL NA PAXINA DE YOUTUBE CONTACOMBEL: https://www.youtube.com/channel/UCR__tfRnf4W4pGPU5C2LNqg Bruño: https://issuu.com/grupoanayasa/stacks/6f96ef708f4c42e4af792116cf2fa164 La A aventurera: https://issuu.com/grupoanayasa/docs/bs00699901_la_a_aventurera Mis primeros cuentos cortos: https://issuu.com/grupoanayasa/docs/bc00332101_primeroscuentos_cast Caperucita de colores: https://issuu.com/grupoanayasa/docs/bc00460101_08_caperucita_colores Cuentos cortos de animales en peligro: https://issuu.com/grupoanayasa/docs/bc00436801_animalesenpeligro Lola Pimienta y el secuestrador de perros: https://issuu.com/grupoanayasa/docs/bc00442701_lola_pimienta_cast ANAYA INFANTIL Y JUVENIL: https://www.anayainfantilyjuvenil.com/noticia/cinco-titulos-para-leer-gratis-desde-casa/ https://issuu.com/anayainfantil/stacks/75d07f7f0e544163a15aff93f1e13441 XERAIS: https://issuu.com/edicionsxeraisdegalicia Feliz feroz El Hematocrítico (2016), a partir de 6 años. Fred Quincalla, o nómade do mar, Teresa González Costa (2017), a partir de 8 años Vaia tropa, Antón Cortizas (2011), a partir de 9 años Dragal. A estirpe do dragón, Elena Gallego (2015), juvenil BAIA EDICIÓNS: https://baiaedicions.gal/editorial/baia-edicions-con-vos-na-casa/ COLECCIÓNS DE COMICS OLÉ: https://leer-comics.blogspot.com/2019/02/coleccion-ole.html?m=1
|
Protocolo Covid-19 de Uso da Biblioteca | |
RECOMENDACIÓNS LECTORAS |
Ademáis de desexarvos unhas Felices Festas, deixamos unha guía de lectura que elaboramos no centro. Esperamos que atopedes nela o mellor agasallo do Nadal. Non esquezades que un libro é un bo amigo. Bo Nadal!
|