Club de lectura

Como xa ven sendo habitual os venres toca Club de lectura. Este venres reunímonos co Grupo 1 para dar por rematado o libro "Detectives en chanclas" da autora Paloma Muiña.

A rapazada comentou que o libro lles gustou moito e que disfrutaron moito da súa lectura. Tamén, e xa empeza a ser un clásico, ao rematar de comentar o libro a mestra responsable do club fíxolles, a modo de xogo, un Pasapalabra sobre o libro. Pasámolo moi ben!

O pasado venres, no grupo 1 do Club de Lectura rematamos a novela que estabamos a ler ¿Quieres ser el novio de mi hermana? de Maite Carranza.

A rapazada gustoulles moito e ata houbo quen dixo que foi o libro que máis lles gustou ata o de agora.

Logo de falar sobre o libro fixéronse dous equipos, o das rapazas e o dos rapazes que xogaron ao xogo do Pasapalabra sobre a lectura, quen sería o gañad@r..?

Dous representantes do grupo 2 do Club de Lectura, ao rematar de ler a novela de Antía Yañez "Plan de rescate" animáronse a ir á radio a gravar unha pequena recomendación sobre o libro.
A Mauro Fernández e a Sara Vázquez gustoulles este libro e pensan que lles pode gustar a máis compañeiros do colexio.
Aventuras, intriga, diversidade, amizade, amor... todo esto e máis podedes atopalo nesta novela.

O pasado venres, o grupo 2 do Club de Lectura rematou de ler o libro de Antía Yáñez "Plan de rescate".

O alumnado comentou sobre a trama, os protagonistas e o desenlace da historia.

Ao rematar de comentar sobre o libro xogamos ao pasapalabra e houbo unha pequena competición entre dous equipos, as rapazas contra os rapaces... o resultado foi moi axustado...

O venres, como xa é costume, tivemos unha nova reunión no Club de Lectura. Nesta ocasión estivemos cunha pequena representación do alumnado do grupo 2 do Ruxi Club. André, Yanay, Clarisa e Michelle visitaron a radio e falaron un pouco sobre o libro que leron no club, "Ás de mosca para Anxo" de Fina Casalderrey.

Tamén aproveitaron para felicitar o Nadal a todo o colexio.