Monthly archive

Nestas datas tan sinaladas, o espírito navideño comeza a inundarnos a todos. A ilusión, os bos desexos e as emocións e valores positivos, que sempre debemos ter en conta, cobran especial relevancia nestas datas.

O Nadal é un bo momento para compartir experiencias, contar historias, transmitir valores e, sobre todo, para ilusionarnos e desexarlles aos demais todo o mellor. Podemos transmitir o valor de dar e non só de recibir, o valor da unión e o valor de compartir, e a importancia de pasar momentos xuntos e realizar actividades en equipo que nos axuden a crecer e a fortalecer a nosa autoestima.

Promover e cultivar entre o noso alumnado todos estes valores forma parte do noso quefacer diario. Por iso, desde o Equipo de Dinamización da Lingua Galega, animamos a todo o alumnado a participar nas actividades propostas para levar a cabo estes propósitos:

• Elaboración de postais, en formato tarxeta, escritas en lingua galega con felicitacións e bos desexos.
• Recreación dunha aldea galega coa colaboración de todos os niveis educativos do centro confeccionando elementos característicos e propios das nosas aldeas: pontes, muíños de auga, casiñas, pozos, calustras e outras figuras .

Aquí vos deixamos algunhas fotos da exposición de postais e a maqueta da aldea galega para que vexades o fantástico traballo realizado entre todos.

 IV Urban Trail Night Eurocidade Valença-Tui

Os alumnos de 6º do Ceip Nº2 de Tui, Iria, Ruth, Zanah, Lucas, Erea, Alexandre, Gabriela e Yesica, xunto ao equipo de Deporte no 2, participaron como voluntarios no desenrolo da proba. Unha sorte e unha satisfacción poder colaborar nesta proba. Aquí vos deixamos un exemplo do ben que o pasamos e da importancia que ten colaborar e axudar nas probas deportivas para que estas se leven a cabo con éxito. Moitas gracias tamén á profe Montse, a profe Patri, a Fernando, a Hernán, a Juan, a Iago e a todas as familias pola axuda.

IV Urban Trail Night Eurocidade Valença-Tui

Some 6th grade students from CEIP Nº2, apart from some sports team teachers participated as volunteers in the trail. It was a great experience colaborate in this activity. Here you have some pictures in which we are having a great time.

DEPORTE ESCOLAR.

Dinamización Intercentros

Ceip Nº2- Ceip Sobrada

Curso 19-20

Martes día 12 de decembro de 2019

 O pasado martes  día 12  de decembro de 2019  tivo lugar no pavillón vello de Tui a 2ª Xornada de Dinamización Intercentros entre o Ceip Nº2 e o Ceip Sobrada. A xornada levouse a cabo de 9:15 a 13:45h e os cursos participantes do noso colexio foron 4ºA e 6ºC. 

Foi unha xornada onde todo o alumnado desfrutou da práctica do minibalonmán, volei, bádminton, baloncesto e fútbol-sala.

Moitas grazas ao alumnado e profesorado do noso centro, do colexio de Sobrada por esta xornada distendida e deportiva.

Intercentres dynamization CEIP Nº2- CEIP Sobrada.

 Campionato Galego de Bádminton

en categorías SUB11 y SENIOR.

Ponteareas domingo 17 de febreiro de 2019

O pasado domingo 17 de febreiro tivo lugar en Ponteareas o Campionato Galego de Bádminton clasificatorio para o Campionato de España.

Do Club Bádminton Tui participaron en SUB11: Lía Salvado, Roque Fernández e Guillermo Valdés; e en SENIOR Marisa Giráldez ( presidenta e alma do club)

Os grandes resultados acadados foron:

- Lia Salvado e Roque Fernández, que chegaron a cuartos de finais en Dobres Sub11.
- Lia Salvado, que tamén chegou a cuartos de final en Individual Sub11.
- Roque Fernández, que chegou a octavos Individual Sub11.

- Felicitar de forma moi especial a  Marisa Giráldez que acadou 2 medallas: PLATA na categoría Senior individual e BRONCE en dobles xunto a Julio Fernández do Athlos. 
BRAVO MARISA!

Felicitar también a Pablo Méndez, do Clube As Neves e responsable técnico do noso clube, que logrou Ouro en Individual e Prata en dobres, na categoría Senior.