Este 2023 adicouselle o día das Letras Galegas a Francisco Fernández del Riego, o alumnado de sexto preparou un pequeno resumo sobre este día e sobre este autor.
O 50 aniversario do noso cole estanos dando moitos momentazos de información que non sabiamos e un gran abano de posibilidades que o noso alumnado non deixa de aproveitar!
Hoxe saimos á rúa con gravadora en man e despois de elaborar un guión cunha serie de preguntas fomos a buscar a toda aquela xente que durante estes últimos 50 anos estudara no Monte Baliño, que divertido, cantas cousas aprendemos!
Aquí vos deixamos con estes xeniais reporteiros e reporteiras!
Hoxe tivemos unha visita na nosa radio escolar dunha persoa moi vinculada coa educación, que nos axudou a entender moitos cambios educativos que se deron na historia da educación, do noso cole e das unitarias que existían na contorna.
O alumnado de sexto fíxolle unha entrevista dentro do noso percorrido polos cincuenta anos do Monte Baliño!
Moitas grazas Pedro polo teu tempo e as túas palabras!
Hoxe foi un día moi especial, cheo de celebracións, chega a primaveira, o día da árobe e o día da poesía!
Pero se algo temos que destacar hoxe tamén, é que estamos moi orgullosas e orgullosos do noso alumnado, por primeira vez este curso emitimos en directo un programa adicado a poesía durante a hora do recreo, que ben o fixeron, que xeito, que arte, que maneira de emocionarnos!
Este ano para conmemorar o 8 de marzo, convidamos de maneira aberta a calquera muller da nosa contorna para que viñese ao centro a falarnos da súa actividade profesional e todas aquelas outras cousas que lles gustara compartir con nós.
Temos que dicir que tivemos a tres grandes mestras de ceremonias, elas pasaron con nós un anaquiño do seu tempo, e obsequiáronos coas súas experiencias de vida e sabedoría, aqui vos deixamos unhas pequenas entrevistas que o alumnado de quinto e sexto fixo.
Moitas grazas a María, Iria e Puri, unha vez máis!
Co gallo da celebración do aniversario dos 50 anos do Monte Baliño, o alumnado do cole está a realizar diferentes actividades de recopilación da historia do acontecido neses momentos...
unha das actividades que se están levando a cabo é un ciclo de entrevistas a diferentes persoas que tiveron contacto co centro nalgúns destes anos, como non podía ser doutro xeito, a primeira persoa é Antonino, un antigo mestre e director que estivo ao fronte do cole durante moitos anos, aqui o alumnado de cuarto e sexto póñeno a proba na nosa radio, con diferentes preguntas e cuestións, que con moito agarimo e bo facer, lle contestou o entrevistado!
Seguiremos recopilando diferentes historias, moitas grazas Antonino!
O alumnado do Monte Baliño fomos de excursión a Cangas e vimos a Ría, e vimos o mar, vimos os barcos, os peixes, e como se pescaba. tamén cómo é o funcionamento dunha lonxa e degustamos delicias do mar no mercado municipal de Cangas. Menudo día!!!
Este ano, para conmemorar esta data, o alumnado do cole participou en diversas actividades, entre elas, a elaboración dun programa de radio en directo.
Así, coas súas actuacións, nas que os nen@s amosaron as súas dotes de artistas , rendímoslle unha pequena homenaxe ao escritor Florencio Delgado Gurriarán, ao que se lle adicou este ano o Día Das Letras Galegas.
