Skip to Content

Rúa Cardeal Páramo Somoza Nº12 Pantón (Lugo)                                                                                                                                  ceip.monte.balinho@edu.xunta.gal  Telf.:982828216/15

Radio escolar

Entrevista a Antonino

Co gallo da celebración do aniversario dos 50 anos do Monte Baliño, o alumnado do cole está a realizar diferentes actividades de recopilación da historia do acontecido neses momentos...

unha das actividades que se están levando a cabo é un ciclo de entrevistas a diferentes persoas que tiveron contacto co centro nalgúns destes anos, como non podía ser doutro xeito, a primeira persoa é Antonino, un antigo mestre e director que estivo ao fronte do cole durante moitos anos, aqui o alumnado de cuarto e sexto póñeno a proba na nosa radio, con diferentes preguntas e cuestións, que con moito agarimo e bo facer, lle contestou o entrevistado!

Seguiremos recopilando diferentes historias, moitas grazas Antonino!

Excursión Cangas

O alumnado do Monte Baliño fomos de excursión a Cangas e vimos a Ría, e vimos o mar, vimos os barcos, os peixes, e como se pescaba. tamén cómo é o funcionamento dunha lonxa e degustamos delicias do mar no mercado municipal de Cangas. Menudo día!!!

 

17 DE MAIO: Día Das LETRAS GALEGAS

   Este ano, para conmemorar esta data, o alumnado do cole participou en diversas actividades, entre elas, a elaboración dun programa de radio en directo.

   Así, coas súas actuacións, nas que os nen@s amosaron as súas dotes de artistas , rendímoslle unha pequena homenaxe ao escritor Florencio Delgado Gurriarán, ao que se lle adicou este ano o Día Das Letras Galegas.

   Agardamos que vos guste!

 

VISITA DOS VOLUNTARIOS DE CÁRITAS

    Esta semana visitáronnos Mary e Mario, dous voluntarios de Cáritas Monforte que fan un labor encomiable.

  Viñeron recoller o material escolar que o centro lle doou a esta asociación e tamén nos fixeron partícipes dunha morea de historias.

  O alumnado de e preparou un programa de radio. Para saber máis, dálle ao Play!!

 

23 de febreiro...DÍA DE ROSALÍA

"ROSALÍA NA MEMORIA"...


  Baixo este título, escóndese o traballo do alumnado do cole para celebrar o 23 de febreiro, Día de Rosalía.

  Neste día, os cativos e cativas do cole, quixeron homenaxear a autora cun vídeo representativo sobre os momentos máis importantes da súa vida, partindo do proxecto da nosa biblio do mundo do CINE.

  Dende Radio Baliño, deixámosvos esta regueifa compostas polos alumn@s de e un fermoso poema de Rosalía que forman parte desta superprodución tan especial!!

  Animádevos e entrade na nosa Biblio para desfrutar deste curto!!

 

 

30 DE XANEIRO... Día da PAZ

  Dende o ano 1964, celébrase o 30 de xaneiro o "Día Escolar da Non Violencia e da Paz" como homenaxe ao líder pacifista Mahatma Gandhi.

  Para conmemorar esta data, os nen@s do cole realizaron varias actividades ao longo da semana e dende Baliño nas Ondas, deixàmosvos esta pequena mostra do seu traballo.

  

CHEGOU O NADAL…

Os mellores desexos...

   Dende Radio Baliño e a través das ondas, gustaríanos desexarvos de parte dos pequech@s e de to@s os que formamos parte deste cole, un Bo Nadal, e enviarvos os nosos mellores desexos con esta panxoliña que preparamos, con moito agarimo e ilusión, para @s nos@s amiguiñ@s e veciñ@s do Centro de Día.

   BO NADAL E PRÓSPERO ANINOVOOOO!!  

 

25 de Novembro: BALIÑO EN VIOLETA

    Neste día, dende o cole, loitamos para dar visibilidade a NON VIOLENCIA, con multitude de proxectos baixo o lema "BALIÑO EN VIOLETA"

     Dende Baliño nas Ondas, deixámosvos esta canción traballada e interpretada polo alumnado de 5º e 6º, como unha pequena mostra dese día.

 

GUADI GALEGO- MATRIARCAS.

 

  

ANIMACIÓN A LECTURA...

 Esta semana, dende a BIBLIO e dentro do proxecto de ANIMACIÓN A LECTURA, visitounos a actriz e pedagoga SABELA GAGO.

Con ela puidemos voar a un mundo cheo de sorpresas a través dos CONTOS, e pasámolo súper xenia!

Ao finalizar a experiencia, os nenos e nenas de e 6º tiveron a oportunidade de entrevistala e coñecer algo máis da súa traxectoria tanto persoal coma profesional.

Queredes coñecer un pouquiño máis de Sabela? Pois só tedes que escoitar atentamente...

 

 

MAGOSTO...

Chegou o MAGOSTOOOO!! 

Tempo das CASTAÑAS, e festa rachada!! e como non hai festa sen cantigas, aquí tedes esta CANTIGA POPULAR dos pequechos do cole!! 

 

 

Distribuir contido


by Dr. Radut