HOXE ESTIVEMOS DECORANDO AS LETRAS DO INVERNO, AINDA QUE SOMOS POUCOS, PASAMOLO BEN.

VAMOS A FACER BONECOS DE NEVE...

MANDOVOS UN VIDEO DE EXEMPLO PERO PODEDES FACELO COMO QUEIRADES, E UTILIZANDO OS MATERIAS QUE ATOPEDES POLA CASA.

NON VOS ESQUEZADES DE MANDARME UNHA FOTO DO RESULTADO FINAL.

GRACIASS

HOLA FAMILIAS, ESTE E O RETO PARA ESTA SEMANA, COMO FACER NEVE NA CASA?, EU MANDOVOS O EXEMPLO DUN VIDEO, PODEDES FACELO COMO QUEIRADES, ESPERO AS FOTOS DO RESULTADO. 

Co axetreo dos últimos días antes das vacacións de Nadal non vos ensinamos o que estivemos argallando pola clase. Aquí vos deixamos unhas fotos de algunha das cousas que fixemos.

Primeiro estivemos pintando un reno e unha árbore de nadal para empregar nunha sesión de psicomotricidade coa profe Noelia. 

Unha vez rematados deixámolos secar e ao día seguinte adornámolos, e como? Pois a profe Noelia montounos un circuíto en psicomotricidade e ao rematar de facelo tiñamos que coller luces para poñerlle nos cornos ao reno. Para adornar a árbore tiñamos que coller a bola que tivese o noso nome. E mirade que chulos nos quedaron!

Tamén estivemos facendo unhas postais para felicitar estas datas e un adorno para colgar na árbore das nosas casas.

Para facer as postais, primeiro coloreamos a árbore e logo adornámola empregando témperas e corchos. Para escribir a mensaxe empregamos selos de letras e tamén selos con debuxos de nadal.

Traballando coa plastilina fixemos figuriñas de nadal, mirade que ben o fixemos e canto nos gustou!

Outra cousiña que nos gustou moito facer foi IOGA DE NADAL. Fomos árbores, renos, bonecos de neve,... Estamos comezando, pero xa lle damos moito xeito!

Tivemos a visita de Papá Noel!!! A algún deunos algo de medo cando entrou pola porta e outros según o vimos fomos correndo a xunto del entregarlle a carta.

Outra visita que tivemos e que nos encantou foi a do Mago Lolo! Estivemos moi atentos aos diferentes trucos de maxia que fixo. Nalgún momento precisou da nosa axuda para poder facer os trucos e algunha marchou para a casa con sombreiro e bolso novos!

 E para rematar fomos sacar unha foto todos xuntos cunhas orelliñas de reno ao porche, que estaba todo decorado! 

Espero que pasárades unhas felices festas e que o 2021 traia saúde e normalidade para todos!

Estade atentos ao blogue que temos moito que aprender este trimestre. Comezamos!

Esta semana foi curta pero intensa... Estivemos facendo maxia!!

Coñecemos a outro dos artistas do circo O MAGO e nós quixemos facer maxia tamén. Para iso collemos un vaso de cartón e pintámolo de negro, colorearmos a cabeza dun coelliño e con algunha cousiña mais fixemos unha chistera. Mirade mirade!

Fomos pasiño a pasiño ata conseguir a nosa chistera coa que facemos que o coello apareza e desapareza, sempre empregando as palabras máxicas ABRACADABRA....

E...esqueceusenos ensinárvos o que fixeron as mestras na sala de infantil. Fixeron un pallaso e unha carpa e a nós gustounos tanto que collemos as caretas de pallaso e fomos facernos unhas fotos con el. Adiviñades quen é quen?

Veña vale, vamos axudar aos que non adiviñaron.

Tamén estivemos facendo unha cousa ben chula que teredes pronto na casa para poder ver! Pintamos con rotuladores, corchos e témperas. Deixámosvos unha pequena pista.

Cando xogamos ca plasti tamén nos acordamos dalgúns artistas do circo. Erea ten moitísima forza!                                           

Xa sabemos que no circo non hai animais, pero na nosa clase si. Leira e Sofía póñenos en fila, a saber a onde van!

E xa estamos rematando o proxecto do circo, pero quedanos aínda un pouquiño no tinteiro.

Ata a próxima!

Ola familia, hoxe queremos ensinárvos algunhas das cousiñas que fomos facendo ao longo do proxecto do circo.

Unha das aprendizaxes foi saber o nome do lugar onde actúan os artistas, A PISTA. Nós fixemos a nosa empregando xiz de cor amarelo e sal. Mirade que ben o fixemos e que chulo nos quedou!

Tamén vimos que na entrada do circo hai flocos de millo e algodón de azucre, e nós quixemos facer uns flocos de millo. Pintamos a caixa para eles, pegámos algodón para facer que eran os flocos e logo con témpera amarela, auga e un contagotas démoslles algo de cor.

Logo fomos coñecendo diferentes artistas do circo e imitando algo do seu espectáculo. 

Unha compañeira trouxo uns instrumentos musicais que nos encantaron, puidemos tocalos e agora témolos durante uns días na clase e seguimos empregándoos para facer que somos os músicos do circo.

E fixemos un pequeno instrumento para levar para a casiña, unha MARACA!

Outro dos artistas que traballamos foi o funambulista e mirade que fixemos na clase de psicomotricidade...

 Tamén malabaristas...

 E falando de malabaristas, vamos a presentar a TITO O MALABARISTA. El é o protagonista do conto "Tito malabarista" que perde o nariz e anda na busca dun novo. Agora acompáñanos sempre na asamblea, o encargado do día elixe o nariz que lle quere poñer (forma e cor) e tamén se lle poñemos garabata (grande ou pequena) ou paxarela (grande ou pequena). Así traballamos formas, cores e tamaños. Temos ao Tito da asamblea, pero temos outros dous mais para poder xogar con el e coas formas cando nos apetece. Gústanos moito!!

Deixámosvos aquí o conto para que lle botedes unha ollada. 

Aburiño!

Levamos un tempo traballando esta estación do ano e queremos ensinárvos algo do que fixemos.

Como no outono chove moito, fixemos unhas nubes con algodón e pintura azul e puxémoslle unhas pingas de auga. Gustounos moito, porque o fixemos coas mans e enchelas de témpera chíflanos!

Fomos coñecendo diferentes froitos do outono: castañas, noces, mazás, landras,... e puidemos tocalos, facer xogos con eles e incluso os probamos.  Como somos uns artistas collemos imaxes de diferentes froitos, témperas das cores do outono e esponxas, e mirade que cousa mais chula fixemos!

Tamén temos a clase chea de follas e ramas de diferentes árbores: castiñeiros, carballos, abeleiras,... Algunhas están verdes, outras amarelas, vermellas e marróns. Con elas fixemos algunha cousiña como rachalas e pegar anacos na inicial do noso nome ou uns animaliños do outono.

Falando de animais... un día pola mañá tivemos unha gran sorpresa! Chegamos á aula e había unha caixa cuns buratiños, a cal a mestra abriu cando entramos todos. Dentro dela había cinco caracois!! Estivemos tocándolles e mirando o rastro que deixaban por onde pasaban coas súas babas. Decidimos que se quedarían uns días con nós e que os tiñamos que coidar, por iso no patio moitos buscábamos herbiñas para que comesen. A mestra Elvira tamén lles daba leitugas e gustábanlles moito! Logo decidimos levalos ao xardín, xa que alí estarían mais contentos.

E sabedes que temos na aula? A comidiña que come o Polo Pepe, MILLO. Temos unhas mazorcas de millo e aprendemos a quitar eses grans de millo da mazorca. Descubrimos que segundo o lugar onde vivas se lle chama de diferente forma, uns din degrañar e outros debullar. 

Mirade si o fixemos ben que decidimos aproveitar os grans para traballar a inicial do noso nome!

Para seguir traballando o nome decorámolo con selos de animais de outono (esquíos, ratiños, marmotas,...), logo collemos unhas esponxas con forma de círculo e decoramos coas cores do outono. 

Estas son algunhas das cancións que cantamos durante a asamblea:

Hoxe, para rematar co outono lemos este conto e gustounos moito!

Esta semana estamos a traballar os pallasos e estivemos probando diferentes complementos que empregan para o seu espectáculo: perrucas, narices que nos trouxo unha compañeira como agasallo,... e pasámolo xenial!

Despois do recreo tivemos a visita inesperada dun gran MALABARISTA e MAGO, o mestre José Antonio. Como un paxariño nos dixo que sabe facer malabares, démoslle tres pelotas para que nos ensinara o ben que o fai. Logo tamén nos fixo uns trucos de maxia. Quedamos abraiados e xa estamos desexando que volva visitarnos pola nosa clase!