Programa de inmersión lingüística activa "Spring Week"/ Listado

O programa de inmersión lingüística activa "Spring Week" desenvolverase de acordo co obxectivo e características que se especifican a continuación:

1. O obxectivo principal deste programa é proporcionar ao alumnado participante unha actividade de inmersión lingüística activa en lingua inglesa que lle permita desenvolver actividades comunicativas nesta lingua, nunha contorna de comunicación real, ao mesmo tempo que afondan en coñecementos relevantes doutras áreas e materias do currículo do seu nivel e etapa educativos. Así mesmo, contará con actividades que fomenten a actividade física, a socialización e o coñecemento cultural cunha metodoloxía adecuada ó seu nivel e etapa educativos.

2. O contido deste programa inclúe actividades académicas, de tempo libre e obradoiros cuxa finalidade é promover a convivencia entre o alumnado e a motivación pola comunicación en lingua inglesa, facendo uso de medios tecnolóxicos que favorezan a devandita aprendizaxe.

3. A metodoloxía será activa, lúdica e cooperativa e promoverá aprendizaxes significativas por parte do alumnado, incidindo na educación en valores democráticos e nos aspectos relacionados coa sostibilidade e o coñecemento da contorna, segundo se recolle nos obxectivos de desenvolvemento sostible da Axenda 2030. (Enerxías renovables, produción e consumo responsable, cidades sostibles , acción polo clima) .

4. O alumnado estará acompañado por unha persoa docente do centro educativo cun coñecemento da lingua inglesa adecuado para participar neste programa. Este docente responsabilizarase da adecuada participación do seu grupo na actividade formativa.

Duración e datas de celebración das actividades

1. Estas actividades realizaranse en réxime de internado nun centro residencial situado na Comunidade Autónoma de Galicia, en quendas semanais de domingo pola tarde ata o sábado seguinte pola mañá.

2. Levaranse a cabo na primavera, durante os meses de abril a maio do 2024, de acordo co seguinte calendario e distribución por niveis:

Suxírennos dende a empresa encargada de Spring Week (Interway) as seguintes cuestións:

Que o alumnado (e profesorado) leve bañador, toalla e chanclas, así como unha botella reutilizable para poder utilizar durante a súa estancia. Se fose posible que leven un reloxo despertador para as mañás.

O alumnado que toma algún antiinflamatorio o analxésico de forma recurrente, que leve a autorización firmada da casa para non ter que pedirllo ás familias cada vez que alguén o precisa

Asesoria Linguas Estranxeiras

Correo de contacto:springweek@edu.xunta.gal

Teléfono de contacto: 981 546 544

Bo día,