DATA: do 13 de XUÑO de 2009 ao 18 de XUÑO de 2009

P R O G R A M A :

DIA 13: CARIÑO – SANTANDER

• Saída de Cariño sobre as 07:00 h. Almorzo en Cudillero. Xantar en Cabárceno e visita ao parque. Chegada ao serán ao hotel. Cea , aloxamento e almorzo.

DIA 14: SANTANDER - ZARAGOZA - SALOU

• Saída cara a Zaragoza. Visita á Alxafería e Basílica do Pilar. Xantar en Zaragoza. Saída para Salou. Chegada, distribución por habitacións e tempo libre. Cea e aloxamento.

DIA 15: PORT-AVENTURA

• Almorzo e traslado ao parque de Port–Aventura con entrada e xantar incluídos. Á última hora traslado ao hotel, cea e aloxamento.

DIA 16: BARCELONA

• Almorzo e visita Parque Güell e Sagrada Familia. Entrada ao Imax e  Aquarium de Barcelona. Xantar en restaurante. A última hora regreso ao hotel, cea e aloxamento.

DIA 17: AQUAPARK

• Almorzo e visita ao parque acuático “Aquópolis” da Pineda.  Xantar no recinto. Regreso ao hotel, cea e aloxamento.

DIA 18: SALOU - CARIÑO

• Saída a primeira hora da mañá. Almorzo no hotel ou na viaxe e regreso para Cariño. Xantar en Logroño e cea en Vega de Valcarce. Chegada sobre a medianoite.

Número 53 do noso xornal escolar.

En E. Infantil, neste 3º trimestre estamos a traballar a unidade didáctica: "AS PRAIAS DO CONTORNO".

Con este motivo, o XOVES DÍA 11 pola mañá, imos facer unha visita ás praias da Basteira e da Concha para realizar diversas actividades.

Os nenos/as deberán vir provistos de roupa e calzado axeitados, pero sen bañadores.

A actividade consiste na repoboación dun monte veciñal na Serra da Capelada.

Trátase de motivar aos nenos no coidado da natureza facéndolles ver a importancia que ten a reposición das árbores cando se realizan as talas, para que a súa función como pulmóns do planeta non se vexa mermada. 

Fabricáronse unhas gorras cun lema seleccionado entre todo o alumnado que lucirán o día da celebración.

• Primeiro accederemos ao Colexio e, sobre as 9:45 irá saíndo a primeira expedición.
• No monte estará a cuadrilla de Medio Ambiente, que dará as indicacións oportunas para a plantación.
• Os grupos de 4º, 5º e 6º baixarán a pé ata o colexio. Serán os primeiros en agruparse para a marcha e farano sobre as 14:50 horas. O resto dos grupos irán a pé ata a parada do autobús (cruce da Zarza) para baixar sobre as 15:30. Unha vez no Colexio agardarán á saída dos autobuses (ás 16:30).

Se queres ollar as fotos da xornada, preme na imaxe.

O vindeiro venres, 22 de maio, imos conmemorar o Dia das Letras Galegas. Ademais das actividades desenvolvidas nas aulas, da elaboración e distribución entre o alumnado e profesoradso dun tríptico sobre a vida e obra do autor homenaxeado e da confección e difusión do xornal escolar "O Espigonciño", imos celebrar o tradicional festival das Letras Galegas.

O alumnado de Educación Primaria deleitaranos coas seguintes actuacións:

• Presentación en Power Point sobre a vida e obra de Ramón Piñeiro López (alumnos/as 3º ciclo).
• Canción "Verdes, verdes" (alumnos/as 1º curso).
• "O coleccionita de sombras" (alumnos/as 2º B).
• "Papicho" (alumnos/as 2º A).
• "Os animais" (alumnos 3º A).
• Poema inédito "A Galicia que nos gusta" (alumnos/as 3º B).
• "A princesa Carolina" (alumnos/as 4ºA).
• "Cousas da mocidade" (alumnos 4º B).

Un grupo de alumnos e alumnas do centro animarannos coa música das súas guitarras, gaitas e tambores.

Bárbara e Antonio serán os encargados de presentar o festival.

Sorte a todos e que saia como esperades!!!

Se queres ollar fotos do festival preme na imaxe.

Aquí tes un corte da presentación elaborada con motivo do DÍA DAS LETRAS GALEGAS: