VIAXE DIDÁCTICA 2º CICLO
Enviado por Anónimo o Mar, 2010-04-06 13:14O vindeiro martes, día 20 de abril, os alumnos/as de 2º ciclo desprazaranse a Narón para visitar o PARQUE ALDEANOVA.
Sairase do centro ás 9:30 horas, estando previsto chegar ao parque sobre as 10:30 h. Alí se subministrará un almorzo composto por froita e iogurt.
Ao longo da xornada desenvolveranse 3 actividades:
- Rastros e pegadas.
- Construción de xoguetes.
- Comida divertida.
Tamén terán acceso libre ao parque e tempo para xogar libremente.
A hora de chegada prevista de regreso é sobre as 18:00 horas.
VISITA DIDÁCTICA ED. INFANTIL
Enviado por Anónimo o Mér, 2010-03-17 14:37
O vindeiro martes 23 de marzo, realizaráse unha visita á Granxa-Escola de Belelle (Neda) na que participará toda a E. Infantil.
Nesta visita realizaránse actividades relacionadas coa unidade didáctica que estamos a traballar, sobre “os alimentos”: horta, elaboración de pan, visita aos animais da granxa.
A visita durará mañá e tarde, e os nenos deberán levar a súa comida.
HORA DE SAÍDA: 9:30 h aprox.
HORA DE REGRESO: Sairase de Neda ás 16:00 h aprox.
VISITA A SUPERMERCADO E. INFANTIL-5 ANOS
Enviado por Anónimo o Lun, 2010-03-08 12:20O vindeiro venres 12 de marzo E.I. 5 A/B faremos unha saída a un supermercado da zona . Esta actividade forma parte da unidade didáctica "Imos facer a compra" e consistirá en: visita ao supermercado, observación de todas as seccións que nel se atopan, produtos que nel se venden, prezos dos produtos, e a realización por parte de cada alumno/a da compra dun alimento saudable.O produto que eles merquen levarano para a súa casa na bolsa confecionada por eles mesmos.Esta compra farase co remanente das cooperativas das aulas.
Se o tempo non o permite, esta saída trasladarase a outro día.
Como esta saída levarase a cabo dentro da localidade non necesitará autorización por parte da familia.
VIAXE DIDÁCTICA E. INFANTIL
Enviado por Anónimo o Lun, 2010-03-08 12:16O vindeiro xoves 11 de marzo, os nenos e nenas de educación infantil, faremos unha visita á conserveira de cariño "La Pureza", para ver as súas instalacións e funcionamento. A visita está relacionada coa unidade didáctica que estamos a desenvolver sobre "Os alimentos".
Relacionada igualmente con este tema, está a saída que se realizará o martes 23 de marzo, á granxa-escola de Belelle, en Neda, tamén para os nenos de educacion infantil.
ENTROIDO 2010: A SAÚDE
Enviado por maria o Dom, 2010-02-07 22:47
Este ano disfrazarémonos de persoal e material sanitario, alimentos saudables e actividade física.
Realizaremos o tradicional Desfile de Entroido o vindeiro venres, día 12 de febreiro. Se as condicións metereolóxicas o permiten percorreremos o Paseo Marítimo e ao chegar tomaremos o batido e os churros. No caso contrario, festexarémolo no Pavillón Municipal.
O horario será o seguinte:
-
Saída do colexio: 10:30 horas.
-
Regreso: 12:30 horas.
-
Saída para o domicilio: 13:15 horas.
Preme na imaxe se queres ollar fotos do desfile.
Día da Paz
Enviado por Anónimo o Lun, 2010-01-25 14:53Día da paz
O venres 29 de xaneiro celebramos no colexio o "Día da Paz". As actividades que realizamos foron as seguintes:
No salón de actos ás 10.30h:
- Lectura dos poemas sobre a paz, feitos por cada clase.
- Proxección do video "Puk y el muro"
- Cantamos a canción de Juanes "Es tiempo de cambiar".
- Presentación da montaxe feita cas fotos dos alumnos/as e persoal do colexio.
No patio (cuberto):
- Lectura do "Decálogo pola Paz" (ao final no Salón de Actos por inclemencias do tempo).
- Solta de pombas.
FELIZ DÍA DA PAZ
- « primeira
- ‹ anterior
- …
- 71
- 72
- 73
- 74
- 75
- 76
- 77
- 78
- 79
- …
- seguinte ›
- última »