CONCURSO DE POSTRES
Enviado por Anónimo o Mér, 2009-11-04 12:22AVISO
A causa do absentismo escolar por enfermidade, o CONCURSO DE POSTRES que estaba programado para o vindeiro martes, 10 de novembro, aprázase para a seguinte semana. Por tanto os postres poderanse traer ao centro os días: LUNS, 16 e MARTES 17 de novembro.
Todas as actividades programadas para celebrar o MAGOSTO quedan aprazadas para o MARTES, DÍA 17 DE NOVEMBRO.
COMUNICADO DIRECCIÓN
Enviado por Anónimo o Mar, 2009-11-03 14:06Ante a situación creada polo crecente absentismo escolar a causa de enfermidade e as numerosas chamadas telefónicas recibidas no colexio, comunícase aos pais/nais/titores legais dos alumnos/as que a dirección do centro, seguindo o protocolo pertinente, está en comunicación via web e en tempo real co Servicio Galego de Saúde que está en coordinación coa Consellería de Educación. En ningún caso entra dentro do protocolo de actuación do centro a posibilidade de peche do mesmo.
Días non lectivos
Enviado por Fran Macias o Ven, 2009-10-30 14:02Comunícase a nais e pais que o Consello Escolar adoptou no seu día o acordo de elixir como días non lectivos para o presente curso as datas do 2 de novembro de 2009 e o 18 de maio de 2010. Polo tanto , o alumnado reincorporarase ao centro o martes día 3 de novembro.
RECURSOS
Enviado por Anónimo o Ven, 2009-10-30 12:06O equipo de Dinamización de Técnicas de Información e Comunicación do Centro (T.I.C.) habilitou unha páxina web onde se recollen os nosos enlaces educativos favoritos para poñelos a disposición de alumnos e profesores.
Se queredes colaborar tedes dúas opcións:
-
Podemos autorizarvos para que vós mesmos entredes na páxina usando a vosa dirección de correo e introduzades os vosos enlaces. Neste caso poñédevos en contacto co coordinador TIC para que vos explique como se fai (é moi fácil).
-
Podedes madarlle ao coordinador un documento de Word ou Open Office onede poñades os enlaces especificando a dirección da páxina, o nome co queredes que apareza a páxina, o nivel (ciclo) e a área ou asignatura. En caso de que a páxina teña contidos de todos os niveis, indicar PRIMARIA e en caso de que teña contidos de varias áreas, indicar INTERDISCIPLINAR.
Podedes acceder á páxina en cuestión neste enlace:
No sucesivo, atoparás esta páxina para enlazar dentro do menú
TIC - Recursos educativos
MAGOSTO 2010
Enviado por maria o Xov, 2009-10-22 16:53CONCURSO DE POSTRES 2009
Con motivo da celebración do MAGOSTO, imos organizar un Concurso de Postres para o martes, 10 de novembro.
BASES DO CONCURSO
-
Podedes presentar calquera tipo de postre elaborado artesanalmente na casa, coa condición de que o ingrediente principal sexa algún froito típico do outono.
-
Os postres deberán ser presentados no cole entre os días 9 e 10 de novembro.
-
O concurso estará dotado de catro premios:
Máis saboroso |
Mellor presentación |
Máis orixinal |
Máis dificultade na súa elaboración |
-
Cada postre deberá ir acompañado dun cartel identificado que vos entregará o titor/a, no que indicaredes: o nome do postre, os ingredientes, o reposteiro e o curso.
As receitas gañadoras serán publicadas no xornal escolar "O Espigonciño" e na páxina web do centro.
ANIMÁDEVOS A PARTICIPAR E... SORTE!!!
PROBA DE DIAGNÓSTICO
Enviado por Anónimo o Mar, 2009-10-20 13:31
MÉRCORES 21 DE OUTUBRO
|
|
10:00 - 11:00 |
Aplicación da proba de Competencia en Comunicación Lingüística |
11:00 - 11:20 |
Descanso |
11:30 - 12:30 |
Aplicación da proba de Competencia Matemática |
12:30 - 12:50 |
Descanso |
13:00 - 13:45 |
Aplicación do Cuestionario do Alumnado |
13:45 |
Distribución do Cuestionario das Familias |
- « primeira
- ‹ anterior
- …
- 73
- 74
- 75
- 76
- 77
- 78
- 79
- 80
- 81
- …
- seguinte ›
- última »