Estimados pais, nais e titores:
Seguindo o disposto pola Consellería de Educación e Ordenación Universitaria,na Orde do 27 de abril de 2016 pola que se regula a participación no fondo solidario de libros de texto e se convocan axudas para adquirir libros de texto e material escolar, comunicamos que hai tres solicitudes diferentes:
- Fondo solidario de libros de texto: Alumnado que vaia cursar 3º, 4º, 5º ou 6º de EP.
- Axudas para adquirir libros de texto: Alumnado que vaia cursar 1º ou 2º de EP.
- Axudas para adquirir material escolar: Alumnado matriculado en 1º, 2º, 3º, 4º, 5º ou 6º de EP.
Na declaración do imposto sobre a renda das persoas físicas no exercicio fiscal 2014, sumaranse a base impoñible xeral (recadro 430) e a base impoñible do aforro (recadro 455); cando non a presentase, sumaranse os ingresos netos obtidos durante o exercicio 2014, obtidos da correspondente certificación de imputación de rendas emitido pola Axencia Estatal de Administración Tributaria.
As persoas interesadas en solicitar a axuda deberán entregar no colexio a solicitude ANTES DO 23 de XUÑO (unha por fillo matriculado), aínda que se recomenda facelo o antes posible.
A documentación que haberá que presentar coa solicitude é a seguinte:
*Fotocopia do libro de familia no que figuren todos os membros da Unidade familiar.
*Se algún dos membros da unidade familiar ten discapacidade con porcentaxe igual o superior ao 33%, fotocopia compulsada do certificado de grao de minusvalidez.
* No caso de familias monoparentais en que conviva un só proxenitor ou titor deberá presentar documentación que o acredite.
* Documentación acreditativa de situación de violencia de xénero, de ser o caso.
PODEN DESCARGAR O MODELO DE SOLICITUDE NO ARQUIVO ADXUNTO AQUÍ DEBAIXO.