A actual biblioteca do CEIP Mallón é o principal eixo dinamizador do centro, xa que está presente directa ou indirectamente na realización de diversas actividades, proxectos e iniciativas que se levan a cabo no centro.
A entrada no PLAMBE permitiunos dotala de mobiliario adecuado ás idades dos usuarios, renovar os fondos, incorporar ordenadores, etc., en definitiva permitiunos darlle unha volta de 180º para convertela nun esapazo cheo de vida e de actividade.
Así pois, na biblioteca ten lugar o servizo de empréstito de libros para todos os cursos, trabállase nun PDI cada curso, elabóranse materiais para en relación a diferentes celebracións, organízanse festivais (Letras Galegas, Día do Libro, ...), particípase en concursos (Nós tamén creamos!), e unha chea de cousas máis. Na biblioteca do CEIP Mallón tamén teñen cabida as familias, que ao longo do curso nos visitan para levar a cabo sesións de contacontos, obradoiros, etc.
Podedes seguir todo o que acontece na biblioteca no blog: http://bibliodemallon.blogspot.com.es/
