Deporte escolar
XORNADA DE DINAMIZACIÓN DEPORTIVA INTERCENTROS CONTRA O CEIP DE REBORDÁNS
Enviado por fdsobral o 29 Novembro, 2022 - 14:40XORNADA DE DINAMIZACIÓN DEPORTIVA INTERCENTROS
O pasado xoves 10 de novembro, visitou a nosa escola o CEIP de Rebordáns coas clases de 6º e 4º de educación primaria.
Destacar que foi unha xornada moi emocionante, xa que despois de case 3 anos non se podían organizar estas xornadas de convivencia por mor da pandemia.
Estivemos participante na 1ª xornada deportiva, na cal xogaron o alumnado de 6º, 5º e 4º da nosa escola, xogando as seguintes modalidades deportivas:
- Bádminton, Xadrez e Balonmán.
- Mini basket e Volei.
- Fútbol sala.
PROMOCIÓNS DEPORTIVAS 22/23
Enviado por fdsobral o 28 Novembro, 2022 - 15:33PROMOCIÓNS DEPORTIVAS 22/23
Durante os meses de Setembro e outubro, visitaron a nosa escola o Club Balonmán Tui e o Tui de Fútbol sala; ambas entendidas deportivas, explicaron ao noso alumnado de educación primaria a organización dos seus clubes e fixeron unha clase de iniciación co alumnado dos cursos de 1º, 2º, 3º, 4º, 5º e 6º de ed. primaria.
ATLETISMO EN PISTA NA MACOCA 2022
Enviado por fdsobral o 17 Marzo, 2022 - 14:46ATLETISMO EN PISTA
Mañá venres 18 de marzo, nas instalacións da Macoca en Pazos de Reis (Tui); voltamos a participar nas probas de atletismo en pista coa clase de 5º de Ed. Primaria con outras 7 escolas de Tui e Tomiño, como por exemplo cos CEIP de Pazos de Reis, Rebordáns, Nº 1, Randufe, Sobrada ou Nº 2 de Tui.
Comezaremos as 10.30 coa 1ª quenda e series de:
- Lanzamento de Vórtex: Micaela Passos e Mara Argüelles.
- Carreira de Velocidade (60 metros): Erik Leyenda
- Lanzamento de Peso (2 kg): Pablo Fernández
Seguiremos coa 2ª quenda coas modalidades:
- Carreira de Resistencia (500 metros): Adam Kalai
- Salto de Lonxitude: Lorena Vaz
Para terminar a partir das 12.15 coa 3ª quenda; coa proba estrela da carreira de relevos 4x80 metros por equipos de 4 atletas:
- Lorena Vaz
- Erik Leyenda
- Adam Kalai
- Julián Álvarez
Causa baixa por lesión pero estara animando "Xoán".
Moita sorte e ánimo a tod@s.
SALTO DE LONXITUDE
SERIES DE VELOCIDADE
COMPAÑERISMO O MÁIS BONITO
CARREIRA DE RESISTENCIA (500 METROS)
LANZAMIENTO DE VORTEX
XOGANDO NA FESTA DO MAGOSTO 2021
Enviado por fdsobral o 12 Novembro, 2021 - 13:00
XOGANDO NA FESTA DO MAGOSTO
O pasado martes 9 de novembro celebramos a FESTA DO MAGOSTO no noso colexio de Guillarei. Ademais de comer as castañas asadas pola ANPA, este ano houbo “chouripán” e coma sempre un percorrido con 7 estacións con diferentes xogos populares, autóctonos e tradicionais, como por exemplo: xogamos a billarda (pincha ou estornela), relevos cun culler e castaña, o xogo do aro, carreiras de sacos, as construcións coas espigas do millo, o xogo dos bilos, a rá, a chave de aspas, os zancos ou o sogatira.
Sen dúbida foi unha xornada lúdica e de convivencia.
BOLOS
CONSTRUCIÓNS CO MILLO
O XOGO DA CHAVE DE ASPAS
PROMOCIÓNS DEPORTIVAS 2021 "Balonmán Tui".
Enviado por fdsobral o 15 Septembro, 2021 - 09:51PROMOCIÓNS DEPORTIVAS 2021 - CLUB BALONMÁN TUI
Estos días o alumnado da nosa escola tivo a sorte de coñecer un pouco máis do Balonmán e o club de Tui.
Moitas grazas aos seus monitor@s pola paciencia e tan boa disposición cos nen@s.
Destacar que na noso colexio vaise organizar de xeito GRATUITO a nivel EXTRAESCOLAR a actividade de BALONMÁN os MÉRCORES de 16 a 17 horas no noso pavillón.
Os interesad@s poden inscribirse no teléfono 677380222 (María Alfaya).
SAÍDA ESPECIAL (O TÚNEL DE DONA URRACA E INICIACIÓN AO PIRAGÜISMO)
Enviado por fdsobral o 11 Xuño, 2021 - 11:50PROXECTO DE VIDA ACTIVA E DEPORTIVA (PVAD): “GUILLAREI ACTIVO E SAUDABLE”
O pasado mércores 9 de xuño os grupos de 5º e 6º curso de educación primaria, participaron nunha xornada especial, con 2 experiencias moi interesantes como foron:
1º) A realización dunha ruta pola cidade vella de Tui titulada “O túnel de Dona Urraca”: tendo como saída a praza de S.Fernando na Catedral, o alumnado mediante un plano con pistas foi descubrindo e aprendendo moitas cousas de Tui e de Dona Urraca “A Temeraria”.
Ao rematar esta ruta, continuamos camiñando pola alameda cara a mariña a carón do río Miño, onde tivemos a sorte de coincidir co Cabo Fragata. Xa no parque do Penedo, merendamos e tivemos un ratiño de lecer e xogar na tirolina e tobogán.
2º) Xa no centro interfederado do río Miño, esperábannos Manuel (presidente), Jose Luis Bouza (adestrador e subcampión do mundo de piragüismo )e Raimon (monitor); membros do club Kayak Tudense; os cales foron moi amables e iniciáronnos na práctica de iniciación ao piragüismo, deporte tan arraigado na nosa contorna.
Grupos de 5⁰ e 6⁰ curso
Preparando as piraguas no río.
Momento final de baño.
Chegada a Tui e inicio da ruta de Dona Urraca.
Pistas a localizar e descubrir pola cidade vella.
NOVO EQUIPO DE MESTRES DO PVAD "Guillarei activo e saudable".
Enviado por fdsobral o 29 Septembro, 2020 - 11:12O día 21 de setembro constituímos o novo equipo de deporte escolar da nosa escola, o cal vai estar formado durante o curso escolar 2020/2021 polos seguintes mestr@s:
- Olaia Conde Fernández (represanta a educación infantil)
- Mª Luz Conde Moldes (representa ao 1º ciclo)
- Fernando Domínguez Sobral (coordina o equipo e representa ao 2º ciclo)
- Vega Sánchez Campos (representa ao 3º ciclo)
Ademáis de constituir o equipo, repasamos o calendario de actividades do curso e as propostas e novidades surdidas neste período do COVID 19.
Estamos pendentes das novidades do plan Proxecta e da Xunta de Galicia para ver que se pode facer durante este curso escolar.
IV DINAMIZACIÓN INTERCENTROS CO CEIP DE TEBRA (Tomiño)
Enviado por fdsobral o 26 Marzo, 2020 - 12:56O pasado mércores 11 de marzo participamos na 4.ª xornada de dinamización INTERCENTROS co CEIP de Tebra de Tomiño.
Nesta ocasión as clases de 3⁰ e 5⁰ de educación primaria foron os protagonistas. Coma sempre a mañá foi moi intensa xogando a bádminton, balonmán, voleibol, baloncesto, xadrez e fútbol sala.
O máis importante foi a convivencia e as emocións nos distintos xogos.
Clases de 3⁰ curso de educación primaria.
Bádminton
Fútbol Sala
Xadrez
Baloncesto
FASE FINAL DE BÁDMINTON EN TOMIÑO
Enviado por fdsobral o 19 Febreiro, 2020 - 13:15Hoxe mércores 19 de febreiro do 2020 imos participar na fase final de bádminton do Baixo Miño no pavillón da Carballa en Tomiño.
Van representar a nosa escola os seguinte alumn@s:
- Brais Alfaya
- Violeta Coello
- Houda El Jabraoui
- Lorena Vaz
- Mara Argüelles
- Antonio Soto
Moita sorte a tod@s e a disfrutar facendo deporte.
Lembrar o bus sae as 15.50 e regresa sobre as 20 horas aproximadamente ao colexio.
PROVINCIAL DE CAMPO A TRAVÉS EN VIGO
Enviado por fdsobral o 4 Febreiro, 2020 - 10:47Mayra, Uxía, Houda, Alejandra, Laura e Kholoud (Equipo Infantil Fem.)
O pasado sábado 1 de febreiro de 2020, celebrouse a proba provincial de campo a través no parque de Castrelos de Vigo. O noso colexio participou en varias categorías. Tod@s correron con moito esforzo e ilusión.
Moitos parabéns a todos os participantes.
Anais e Lorena (Benxamín Fem.)
Saula (Cadete Fem.)
Taha (Benxamín Masc.)
Anais (Benxamín Fem.)
PRIMEIRAS XORNADAS DE BÁDMINTON NO CEIP DE RANDUFE
Enviado por fdsobral o 4 Febreiro, 2020 - 10:38Houda, Violeta, Brais e Gabriel (Categoría Alevín)
Esta semana comezan a 3ª xornada de bádminton escolar que se está celebrando no pavillón do CEIP de Randufe baixo a organización de Agrudebam. A nosa escola este curso participa en dúas categorías (Benxamín e Alevín).
Giovanni, Antonio, Micaela, Mara e Lorena (Categoría Benxamín).
Micaela (Benxamín)
Mara e Lorena (Benxamíns)
BÁDMINTON NO PAVILLÓN DE RANDUFE
Enviado por fdsobral o 29 Xaneiro, 2020 - 01:00Primeras xornadas de bádminton en Randufe de Alevíns e Benxamíns.
PROVINCIAL XOGADE DE CAMPO A TRAVÉS 2019-2020
Enviado por fdsobral o 28 Xaneiro, 2020 - 21:47O próximo sábado 1 de febreiro no parque de Castrelos de Vigo imos participar na proba provincial de campo a través Xogade 2019-2020.
Moita sorte a todolos participantes.
BÁDMINTON OS MARTES NO PAVILLÓN DE RANDUFE
Enviado por fdsobral o 21 Xaneiro, 2020 - 00:57
A partir de mañá martes 21 un grupo duns 12 nenas e nenos de colexio van participar coas outras eoutras escolass nas xornadas de bádminton organizadas por Agrudebam no pavillón de Randufe.
As partidas comezan as 16.30 e rematan arredor das 19.10. O alumnado transportado sairá as 16 h. dende o colexio.
Aproveitamos unha vez máis para agradecer a colaboración de Javier Argüelles (Anpa so colexio) que vai co grupo do noso colexio.
Graciñas e a disfrutar rapaces e rapazas.
III XORNADA DE DINAMIZACIÓN INTERCENTROS
Enviado por fdsobral o 15 Xaneiro, 2020 - 21:24
Mañá xoves 16 de Xaneiro visítanos o CEIP de Pazos de Reis para ter unha xornada de convivencia e deportes en conxunto.
Nesta ocasión van participar 6⁰ , 4⁰ e 3⁰ curso.
Bádminton, Voleibol, Balonmán, Xadrez, Baloncesto e Fútbol Sala serán os deportes a practicar durante a xornada.
- 1
- 2
- 3
- seguinte ›
- última »