proxecto

Ola familias!

Teño o pracer de presentarvos o vídeo onde mostramos o noso colexio. Está feito baixo a visión e o traballo dos nenos e nenas de 5º dentro do Proxecto Polos Creativos. Non podemos estar máis orgullosos do noso alumnado.

Botade unha ollada premendo na imaxe!

Iniciamos o mes da ciencia coa visita dos científicos Amparo e Suso do Museo Científico de Gondomar. Viñeron a ensinarnos ciencia relacionada co noso proxecto deste curso: o cine.

Experimentamos observando as primeiras imaxes en movemento da historia do cine (zoótropo) e as imaxes do futuro (hologramas).

Aprendemos o que son as luces estroboscópicas, xogamos coas sombras de cores e para rematar convertémonos en ciéntificos comprobando cun disco de Newton que a luz branca está formada polas sete cores do arco da vella.

Quen sabe se hai algún futuro científico entre as nenas e nenos de Rebordáns!

Non volo perdades!

Premede na imaxe.

 E no noso recuncho de lectura do corredor, podedes botar un ollo a nosa exposición de libros de ciencia.

Tepo e Tepa xa teñen todo preparado. E vós... estades list@s?

Luns 24 de outubro, Día das Bibliotecas Escolares, unha xornada cheíña de sorpresas!

Seguimos traballando no noso proxecto de centro: EsculTuirízate.

O alumnado de 3º, 4º, 5º e 6º de primaria puido observar máis a fondo e coñecer aspectos relativos a algunhas das esculturas máis relevantes da nosa vila da man de Sara Quintana Vila, unha guía estupenda.

O xoves aparareceron nas aulas do noso cole unhas mensaxes enviadas por Tepo e Tepa. Tiñan unha proposta para nós; debiamos resolver as pistas e atopar o material onde realizar unha nube de palabras sobre o tema do noso proxecto de centro. Puxémonos en marcha e todas as clases atoparon unha escultura; alí realizariamos a misión.

A continuación tedes unha mostra en imaxes do ben que o pasamos.