historico biblioteca

Coma xa ven sendo tradición durante a semana do 21 ao 25 de novembro celebramos o Samaín no colexio.

Desenvolvéronse diferentes actividades relacionadas coa festa do Samaín:

-Mostra de libros de medo, en colaboración coa Biblioteca Municipal.

-VII Exposición de cabazas, polos corredores do centro , en colaboración coas familias e que un ano máis resultou moi exitosa e na que a participación dos pais/nais foi maioritaria. Tedes as fotos en galerias.

-Exposición de contos “Un bosque de medo”. Relatos de medo escritos e ilustrados polo alumnado.

-Acto de clausura na biblioteca do centro:

.Proxección dun conto, “Fiz, o coleccionista de Medos”.

.Canción en inglés “It´s Halloween”. 5º curso. 

.Canción de "O Samaín". 3º curso.

. Lectura dunha escolma dos relatos de medo . Alumnado de 2º.

. Entrega de diplomas aos participantes na Exposición de Cabazas.

GRAZAS A TODOS E TODAS POLA VOSA PARTICIPACIÓN !!

     Onte 24 de outubro, celebrouse o Día da Biblioteca. Para conmemoralo os nenos e nenas de Infantil, 1º e 2º asistiron á proxección do conto "A pota que trota", pertencente á colección "Contos do Camiño" de OQO. Tamén realizaron marcapáxinas con forma de árbore para utilizar na "Hora de ler".

     O alumnado do 2º e 3º ciclos asistiron á Área Panorámica de Tui para ter xunto con outros coles da zona, un encontro organizado pola Biblioteca Municipal co escritor Xosé Neira Vilas, autor do libro "Memorias dun neno labrego" que cumpre 50 anos.

     Andrea, Nuria e Xurxo, en representación do noso colexio subiron ao escenario para ler unha carta elaborada entre toda a clase e entregarlle como agasallo un libro cos traballos feitos entre todos. Neira Vilas coa súa amabilidade de sempre, asinounos un exemplar da súa obra "Memorias dun neno labrego" que poderedes ver na biblioteca.

     Para rematar esta celebración, fíxose entrega dun boletín informativo para as familias coas novidades da sección de adultos, que podedes consultar no apartado "O recuncho de Tepo" da nosa web.