O 31 de outubro celebramos o SAMAÍN no noso colexio cun montón de actividades.

O panel principal da entrada do centro fixérono os alumnos/as de 6ºB, e nel vemos a fusión entre o Magosto e o Samaín co noso particular “Magostín”.

Quixemos ambientar os nosos corredores, e que mellor forma de facelo que con estas cabazas e vasoiras tan terroríficas e á vez tan graciosas recordándonos ao circo (a nosa temática deste ano). Noraboa rapaces e rapazas!

Ademais, a nosa biblioteca tamén se ambientou para a ocasión...gozamos un montón lendo estes contos de medo!

En Educación Infantil o venres, 27 de outubro recibimos a visita dun WIZZARD que nos contou un conto de medo en inglés moi divertido. Pasámolo xenial!

E para rematar, o Wizzard tocou coa súa guitarra unha canción “Spooky, Spooky”.

En Educación Primaria cada nivel tamén traballou a temática do Samaín. Aprendemos moitas cousas desta tradición e igualmente o pasamos de medo facendo murais, debuxos ou manualidades.