Celebramos o aniversario de Xune,que cumpríu 3 anos,seguindo o ritual Montessori ,para celebrala súa  vida  e o paso dos anos.Dámoslle os parabéns polo seu aniversario e polas tres voltas que xa ten dado ao sol.Esta celebración dalle aos peques seguridade á vez que toman conciencia do lugar que ocupan no entorno no que viven,axudándolles a recoñecer o paso do tempo e a entender cómo creceron e cambiaron dende que naceron.

Poñemos un  mantel a modo de sistema solar,no centro un sol cunha vela acesa cos meses do ano e o globo terráqueo nas  máns  de Xune para facelo xirar ao mesmo tempo que  xira arredor do sol.Completámolo colocando as fotos de recén,dun e de dous anos para ver coma creceu cada ano e así contar a historia da súa vida.

Finalizamos co tradicional tirón de orellas que quixo que a Rayant para que lle tirara,os nosos Aspitos e o cadro artístico realizado polo protagonista co trazo horizontal,vertical e moitas pupilas en cores de nadal.

Bicos Xune, por eses tres anos que acabas de cumprir!é dos máis peques xunto con Tiago e Manuela que faltan por cumprir,son os pequerrechos da clase con dous anos todavía.

A nosa invitada especial para contar o conto foi Sabela,a nai de Asia, e puxo o listón moi alto porque enganchou ata a profe,non sei a quen lle gustou máis se aos peques ou a mín."La extraña visita"de Libre Albedrio é un conto terroríficamente divertido cheo de sorpresas e suspense ademáis de ser rimado e repetitivo,vamos que é marabilloso.Moi fermosa esta primeira foto dunha filla observando a súa nai contar un conto no seu cole a todos os seus compis!

Celebramos o aniversario de Asia que cumpríu 3 anos,seguindo o ritual Montessori ,para celebrala súa  vida  e o paso dos anos.Dámoslle os parabéns polo seu aniversario e polas tres voltas que xa ten dado ao sol.Esta celebración dalle aos peques seguridade á vez que toman conciencia do lugar que ocupan no entorno no que viven,axudándolles a recoñecer o paso do tempo e a entender cómo creceron e cambiaron dende que naceron.

Poñemos un  mantel a modo de sistema solar,no centro un sol cunha vela acesa cos meses do ano e o globo terráqueo nas  máns  de Asia para facelo xirar ao mesmo tempo que  xira arredor do sol.E xa de derradeiro ,colocamos as fotos de recén,dun e de dous anos para ver coma creceu cada ano.

Finalizamos cos nosos Aspitos e un cadro artístico realizado pola protagonista co trazo horizontal e vertical.

Bicos Asia por eses tres anos que acabas de cumprir!

Coñecimos o cadro de René Magritte "El hijo del Hombre"destapando parcialmente o mesmo a través dun círculo cada vez máis grande ata destapalo enteiro.Contemplamos,fablamos e fixemos unha reflexión conxunta con preguntas do tipo,qué pode ser o que vedes?,home ou muller?,en qué lugar pode estar?,cómo se chamará?,é polo día ou pola noite?o fillo onde está?,..xurdindo así respostas non moi variadas porque nestas idades repiten a anterior resposta pero pouco a pouco terá cada quen a súa..Con esta proposta de arte  traballamos habilidades de pensamento para chegar a ser críticos e educar a súa mirada.

Tamén xogamos a representar o autorretrato de René e pasamos un ratiño a mar de divertido,con risas e aplausos para o voluntariado que quixo participar,porque non se obriga a ninguén que non queira,ten que ser algo divertido.Marabillosa sesión coa axuda da profe Alba coma en moitas actividades.