UNHA CLASE DE CIENCIAS DA NATUREZA MOI ESPECIAL!!!

Onte veu Mari, a mamá de Antía, a contarnos cousas moi interesantes sobre o noso corpo, que é o proxecto no que estamos a traballar en Ciencias da Natureza.

Mari é bióloga, e traballa no laboratorio dun hospital, así que convidámola para que, unha científica, nos resolvera algunhas dúbidas.

Gustounos todo, todo!!

Mari sería unha mestra magnífica....

Adentrámonos no que é unha célula e o seu ADN, e descubrimos que Iria é o ADN do noso cole, porque ela é a que organiza todo o funcionamiento.

Tamén descubrimos que a morte celular chámase "apoptosis", e que, se unha célula ten un desenvolvemento anormal e non morre, pode derivar en enfermidades coma tumores, cancro...

E sabedes cal é o óso máis curto e cal é o máis longo do noso corpo?? O máis longo é o fémur ( que está na perna ) e o máis curto é o estribo ( que está no oído). Este óso chámase así pola forma tan parecida que ten co estribo dos cabalos.

Ademáis Mari aprendeunos que as persoas temos un total de 206 ósos; deles 52 están nos pes e 54 más mans...

Ahhhh....e de seguro que imos andar ocupadas e ocupados buscando fotos das nosas familias de hai anos, pois contounos que o nariz e as orellas seguen medrando co paso do tempo!!! Así que imos comprobar se persoas da nosa familia teñen máis narizota ou orellóns.

Podedes comprobalo vos mesmos, apetécevos??

Pois mans á obra!!

Grazas, Mari, por esa clase tan especial!!!

Esperamos con ilusión a vindeira clase que nos prometiches!!!

( Mirade as fotos e adentrádevos na aventura científica)