Skip to Content

Semana da prensa

Con motivo da Conmemoración da Semana da Prensa, no cole de Cenlle estamos a elaborar entre todos un xornal!
Velaquí vos deixamos o enlace para que lle botedes unha ollada!!

https://www.flipsnack.com/ceipcenlle/new-flipbook.html

Tamén o podedes descargar en formato pdf no seguinte enlace.

8 de marzo, Día da MULLER!

No cole cremos que todos os días son 8 de marzo e por iso o alumnado e familias da nosa escola prepararon uns cartaces sobre mulleres que podedes ollar neste vídeo! 
Non deixemos nunca de loitar para que todas as mulleres poidan adicarse ao que sempre quixeron sen atopar dificultades por cuestións de xénero. Sigamos loitando por elas, por nós! Sempre!

Na nosa páxina de Facebook podedes ver o vídeo cos cartaces elaborados. 

O Entroido!

Ao longo desta semana celebramos no cole o Entroido!

Durante os primeiros días cumprimos os mandados do Meco (vindo en pixama, en chandal, con un bo peiteado), corremos as comadres e disfrazámonos libremente. 

O venres, pola súa parte, disfrazados de deportistas, cociñeiras e cociñeiros saímos polas rúas do pobo de desfile acompañadas das familias do noso alumnado! Ademais, tivemos un menú típico de Entroido e máis un rastrexo con pistas e probas de Entroido!

Un pouquiño de Montessori

Nestas últimas semanas un chisquiño de Montessori chegou á aula de infantil da nosa escola a través da súa bandexa de madeira na que cada día aparece unha cousa nova (traspases con culler, pinzas, xarras, creacións e deseños con diferentes materiais...). Entre elas, unha das novidades na aula: unha mesa de luz coa que estamos comezando a experimentar pasiño a pasiño, que é como se fai o camiño!

Día de Rosalía

Ao longo desta semana celebramos o Día de Rosalía. E para iso realizamos diferentes actividades. 

Primeiro comezamos pensando como representar os versos do manifesto escollido este curso pola Asociación de Escritoras e Escritores en Lingua Galega. Cando o tivemos nas nosas cabezas, puxémonos mans á obra. Sacamos fotos dramatizando as situacións descritas e con elas elaboramos uns murais por grupos. Pero pese a ser diferentes, todos eles tiñan algo en común: Rosalía. Así, coloreamos a Rosalía e ao seu pensamento libre, en forma de bolboretas, mans, flores, música... 

Con estes cartaces fixemos unha manifesa-acción protesta que grabamos e montamos en vídeo, con todo o alumnado e profesorado do cole como participantes. 

Ademais, elaboramos uns dípticos sobre Rosalía, que incluían a súa biografía e o seu retrato, así como un dos seus poemas en galego que cada neno e nena ilustrou á sua maneira. 

Aquí vos deixamos unhas fotiños. Para poder ver o video, este é o enlace: https://www.facebook.com/ceipcarmen.garciacarrasco.7 

Xornada de emerxencias

Hoxe, no cole, realizamos un simulacro no que tivemos que evacuar o centro, co fin de estar preparados e saber cómo actuar se algún día hai unha emerxencia nas instalacións do cole. A verdade é que, aínda que os nervios saíron ao comezo, o resultado foi superado con éxito!

Ademais, recibimos no cole a visita dunha ambulancia e dous técnicos que nos explicaron cómo actuar e colaborar se alguén se mancaba no patio; entre outras cousas. Moitas grazas pola vosa colaboración!

Ademais, como Ficheiro adxunto podedes descargar un tríptico que elaboramos este curso no centro (dentro do Plan de Autoprotección) sobre cómo actuar ante as diferentes emerxencias que poden darse no cole. 

O sabor da aventura está no mar!

Hoxe, no cole, participamos nunha actividade incluída dentro do Plan Proxecta, da Consellería de Educación. Tratábase de "O sabor da aventura está no mar" a través da que (con vídeos, manualidades e xogos) descubrimos diferentes peixes e as súas características e propiedades. 

Ao noso alumnado gustoulle moito! Agardamos repetir o ano que vén!

A esquiar! Manzaneda! EsquiOU 2019

Este luns o noso alumnado máis maior marchou a esquiar a Manzaneda, dentro da iniciativa ESQUIOU 2019, xunto con outros nenos e nenas de coles da comarca. 

Velaquí algunhas fotiños do primeiro día, no que chegaron e realizaron diferentes actividades, penso que superadas con éxito! Grazas profe Sara e Ana por acompañalos!

O segundo día puideron disfrutar dos esquís e das palas, algo que sen dúbida lles encantou! Ademais, saíron nun programa de radio, que se emitirá nuns días! E xa case case a preparar as maletas para a volta!

 

Almorzos saudables

Hoxe participamos nunha actividade proposta dende a Consellería de Sanidade moi directamente relacionada cos Hábitos saudables. Así, primeiro recibimos unha pequeniña charla sobre a importancia dunha alimentación equilibrada e variada e despois baixamos ao comedor a almorzar un almorzo ben completo, pois levaba todos os ingrediente que este debe levar: froita, lácteos e cereais. 

 

Andainas

Como esta semana nos acompañou o tempo, puidemos saír a camiñar polas contornas do colexio. Para algúns dos nosos nenos e nenas o camiño xa era coñecido, mais para os/as máis pequenos foi todo un descubrimento, especialmente as pegadas nas que repararon os maiores: unha de xabaril e outra de can!

Distribuir contido


by Dr. Radut