Skip to Content

Recomendámosche

Día do libro

Hoxe, 23 de abril, conmemórase o día do libro, pero desta vez é algo diferente porque non se regalan rosas, non hai postos de libros nas rúas, nin podemos celebralo no cole. 

Aínda así, dende Biblioteca compartímosvos un conto dunha maga que seguro vos soará! Velaquí vos deixamos o enlace https://www.youtube.com/watch?v=2wUerrvZ_gE

Unha aperta grande

Día das Bibliotecas: inauguración!

Hoxe celebramos no cole o Día das Bibliotecas Escolares dunha forma moi especial, coa inauguración da nosa nova biblioteca!!!! 

Temos o gusto e a ilusión de presentarvos a nosa nova biblioteca, na que hai espazos para lectura, traballo en grupo, xogo, novas tecnoloxías, busca de información, creatividade, diversidade... Así dá gusto ir a ler!

Ademais, tivemos a sorte de poder desfrutar coa visita do profe Pablo, que hai dous cursos estivo no cole con nós. Agradecemos un montón a súa visita e a de Raimunda, o seu novo libro que hoxe compartiu con nós. Agardámoste prontiño de novo, profe Pablo!

Velaquí vos deixamos algunhas fotiños,e se queredes ver máis fotos FAI CLIC AQUI

Convivencia co CRA Amencer. Día das Letras Galegas 2019

Onte, día xoves 16 de maio, celebramos o Día das Letras Galegas cunha estupenda xornada no noso cole xunto co alumnado e profesorado do CRA Amencer, de Ribadavia. 

Así, comezamos a xornada cun tempo de distensión e cunha benvida do alumnado maior do cole quen, ademais, presentounos ao autor homenaxeado das Letras Galegas: Antón Fraguas Fraguas a través do Kamishibai. Despois, cada neno/a decorou a súa pegatina do autor. Logo, veu o tempo da merenda e da maxia e contacontos da man de Leo Leíño. Para rematar, tivemos tempo libre e xantamos xuntos no comedor do cole. 

Velaquí vos deixamos unhas fotiños como resumo da xornada. 

 

Encontros co autor/a

Hoxe no cole tivemos o primeiro Encontro co autor! Os nenos e nenas maiores do cole leron este curso o libro "Brian, o chinés" e hoxe, o seu autor, David Daniel Vázquez Álvarez, visitou o noso cole para compartir con nós experiencias do seu libro. Ademais, contestou todas as nosas dúbidas por iso dende o cole nos gustaría agradecerlle un montón a súa visita!

As aventuras de Marco Polo

Hoxe o Mago Martín contounos o conto de "As aventuras de Marco Polo", un neno que emprendera unha viaxe e ao que lle foron pasando cousas moi.... 

teredes que ler o libro para sabelo!

Semana do libro!

Esta semana, como conmemoración do día do libro, no cole realizamos moitas actividades moi especialmente relacionadas cos libros. Así, o martes inauguramos o noso habitual "Troco de libros" entre o alumnado do cole, realizamos uns marcapáxinas e creamos un mural sobre un libro do que moi prontiño imos recibir ao autor. O mércores foi o día dos "Apadriñamentos lectores" e o xoves ... unha nova sesión do Clube de lectura!

Visita o teu super!

Hoxe participamos nunha proposta do grupo Vegalsa Eroski moi directamente relacionada co proxecto deste curso: os Hábitos saudables. 

Primeiro, recibimos unha pequeniña pero moi interesante charla no cole sobre os hábitos saudables e a organización dun super. Despois, o autobús recolleunos e fomos a visitar o Eroski de Ribadavia, no que nos fixeron un percorrido guiado polas diferentes seccións, parándose a explicarnos cada unha delas (cales eran os EPIs dos carniceiros e carniceiras, como saber diferenciar un pescado azul dun brando...) e nos prepararon unha marabillosa e moi saudable merenda! E ademais, déronnos un agasallo moi chulo! 

Encantounos a actividade! Noraboa pola proposta :)

"A Fada Pirata"

Hoxe, no cole tivemos a sorte de poder desfrutar dunha marabillosa obra "A Fada Pirata" interpretada polo grupo "Os Furabolos", baseada no libro "A Fada Pirata" do escritor Carlos Labraña. 

O certo é que foi un pracer enorme poder desfrutar dela. Mil millóns de grazas por compartila con nós!

Día de Rosalía

Ao longo desta semana celebramos o Día de Rosalía. E para iso realizamos diferentes actividades. 

Primeiro comezamos pensando como representar os versos do manifesto escollido este curso pola Asociación de Escritoras e Escritores en Lingua Galega. Cando o tivemos nas nosas cabezas, puxémonos mans á obra. Sacamos fotos dramatizando as situacións descritas e con elas elaboramos uns murais por grupos. Pero pese a ser diferentes, todos eles tiñan algo en común: Rosalía. Así, coloreamos a Rosalía e ao seu pensamento libre, en forma de bolboretas, mans, flores, música... 

Con estes cartaces fixemos unha manifesa-acción protesta que grabamos e montamos en vídeo, con todo o alumnado e profesorado do cole como participantes. 

Ademais, elaboramos uns dípticos sobre Rosalía, que incluían a súa biografía e o seu retrato, así como un dos seus poemas en galego que cada neno e nena ilustrou á sua maneira. 

Aquí vos deixamos unhas fotiños. Para poder ver o video, este é o enlace: https://www.facebook.com/ceipcarmen.garciacarrasco.7 

Día da Paz e non Violencia

Hoxe conmemoramos o Día da Paz e non Violencia e no cole celebrámola á nosa maneira! Elaboramos uns chulísimos posavasos de paz que irán para os nosos vasos do comedor escolar, ilustramos unha poesía sobre a Paz (pois é o día da Ilustración) e elaboramos entre todo o alumnado e profesorado do cole un mural titulado "Ingredientes para a paz", en relación co proxecto dos Hábitos saudables. Tamén, o alumnado maior do cole traballou sobre a película "Wonder", relacionada co acoso escolar. 

Quédanos pendente a Andaina, que con motivo da choiva tivemos que anular. Esperamos poder ir en breves!

Distribuir contido


by Dr. Radut