CP Innova

A partir dunha caixa de cartón que decoramos libremente e metendo dentro dela elementos feitos por nos mesmos como: variñas máxicas feitas con paos e botes de tetrabrick, o espello da autoestima, a bola antiestrés feita con arroz e globos, o saco aromático con follas de manzanilla, romeo, menta...

 Esta caixa das emocións espertou nos nenos unha grande sensibilidade e son conscientes de que o máis importante é "COIDAR O CORAZÓN DO PLANETA TERRA"

Nas distintas actividades e celebracións que se levaron a cabo no noso centro tivemos en conta a reciclaxe:

 -No Nadal decoramos o corredor cunha árbore de Nadal que elaboramos a partir de      follas de xornais vellos.

 Fixemos outras árbores con tapóns de plástico de cor verde.

 No Entroido tamén elaboramos os nosos bonecos e bonecas para celebrar os días de compadres e comadres con material reciclado.

Seguimos as ordes do Meco ao pé da letra e utilizamos para a acreditación papel reciclado, as gravatas con papel de xornal, o micrófono con un tubo de papel hixiénico, unha bola de papel de aluminio que aproveitamos dos envoltorios dos bocadillos e un fío de la de cores e por último, para facer a cámara de fotos ou video, reutilizamos unha caixa de cartón.

 -Na Semana da Prensa reutilizamos os xornais e creamos unha capa informativa onde iamos colgando diariamente unha noticia escollida entre o alumnado de primeiro e segundo nivel.

Fixemos un horto empregando o noso propio abono do composteiro. Alí temos leitugas, patatas, cenorias, amorodos, cebolas…

Todas as aulas foron dotadas das tres papeleiras correspondentes ás cores da illa de reciclaxe. "Buscamos un mundo mellor e fomentar o respecto pola natureza".

 Fixemos unha chuvia de ideas e traballamos onde había que botar cada un dos elementos. Ao final deseñamos uns carteis cos máis utilizados nas clases diariamente e pegámolos no colector correspondente, deixando o de cor negra para recoller o compós diario.

O zume da flor de sabugueiro é unha alternativa saudable os zumes envasados. Provén da flor dunha árbore coñecida na nosa zona, o sabugueiro ou bieitiero, que florece no mes de xuño. Para preparalo mestúrase un tapón ou dous de zume concentrado nun litro de auga. O sabor é dulzón e, en xeral, gustou bastante e moitos repetiron.