Título node Learning object
Información
Co ánimo de contribuír a acrecentar a calidade fabuladora e a creatividade que caracteriza as nosas escritoras e escritores, e coa vontade de homenaxear o ferrolán Gonzalo Torrente Ballester, a Deputación Provincial da Coruña convoca o XXIX Premio Torrente Ballester de Narrativa en lingua castelá.
Participantes
Poderán optar ao premio todas aquelas persoas que non o obtiveron nos cinco anos anteriores a este e que presenten obras inéditas, escritas en lingua castelá, e non premiadas con anterioridade.
Premio
Será outorgado un premio único, dotado con 25.000 euros, que poderá quedar deserto e ser concedido con carácter ex aequo. Neste caso, o seu importe repartirase proporcionalmente entre as persoas que resulten premiadas.
Requisitos
- As obras serán de tema e extensión libres, poderanse presentar novelas, relatos e conxuntos de relatos.
- As obras presentaranse preferentemente en formato dixital nun arquivo de tratamento de texto Word, OpenOffice ou PDF.
Prazo
Ata o 10 de xuño de 2017.
Xurado
O xurado estará presidido pola deputada-presidenta da Comisión de Cultura e Normalización Lingüística, e formarán parte del cinco persoas de recoñecido prestixio no ámbito da narrativa en lingua castelá, nomeadas por ela.
A decisión do xurado terá lugar no último cuadrimestre de 2017 e será comunicada a través do taboleiro de anuncios e da páxina web da Deputación www.dacoruna.gal .