Título node Learning object
Descrición
Selección de centros docentes que desexen acoller profesorado de Alemaña, Austria, Bélxica, Francia, Italia, Países Baixos, Portugal, Reino Unido, República de Irlanda ou Suíza para a realización de Estancias Profesionais no conxunto do territorio do Estado español.
Este programa ten como finalidade, para os centros docentes, reforzar o conxunto de accións destinadas a favorecer intercambios culturais, coñecer outras metodoloxías, así como fomentar a aprendizaxe de linguas estranxeiras e a participación en programas educativos europeos.
Modalidades
- Modalidade A. Como centro de acollida para un/unha docente xa identificado/a, procedente dalgún dos países incluídos nesta convocatoria, e que estea a participar nun programa de mobilidade profesional no seu país de orixe.
- Modalidade B. Como centro que desexa acoller un/unha docente dalgún destes países e que, no caso de haber demanda, lle sexa asignado/a a través desta convocatoria.
En ningún dos dous casos recibirase axuda ou compensación económica algunha.
Requisitos
- A acollida realizarase en período lectivo durante o curso escolar 2017/2018, por unha duración de dúas semanas.
- Só se poderá asignar unha persoa docente por centro educativo.
- A estancia profesional desenvolverase de acordo ao plan de actividades establecido por ambas as partes e en ningún caso leva a obrigatoriedade de impartir docencia.
- O equipo directivo designará un/a docente do claustro para que coordine a acollida.
Beneficiarios
Centros docentes, sostidos con fondos públicos, que impartan ensinanzas reguladas pola Lei Orgánica 2/2006 na súa redacción dada pola Lei Orgánica 8/2013.
A distribución de prazas axustarase á oferta recibida desde cada un dos países participantes, dependendo das características dos centros educativos de destino e dos perfís profesionais dos docentes que sexan acollidos. Así mesmo, favorecerase a distribución territorial dos docentes entre todos os centros que o soliciten.
Prazo de presentación
Ata o 17 de abril de 2017.
