Título node Learning object
Entidades organizadoras
A Axencia para a Modernización Tecnolóxica de Galicia (AMTEGA) en colaboración co Clúster Audiovisual Galego (CLAG) e o Clúster TIC Galicia, no marco do programa Viraxe TIC.
Descrición
Dico Summit 2017 é unha ventá a un futuro mellor, un escaparate para ver e deixarse ver, unha ocasión única para coñecer as últimas tendencias en contidos dixitais, entender como repercuten nos novos modelos de negocio e valorar o seu papel como dinamizador dos distintos sectores económicos.
Dico Summit 2017 é unha cita obrigada, un punto de encontro entre profesionais, empresas da economía dixital e tecnolóxica e estudantes.
Obxectivo
Amosar aos/ás profesionais galegos/as as oportunidades que supoñen as novas tendencias tecnolóxicas e modelos de negocio relacionados cos contidos dixitais.
Destinatarios/as
En xeral, vai dirixido a toda persoa que entenda onde estamos, cara a onde imos, que comprenda que estar á última xa non é unha opción e que os contidos dixitais son fundamentais para o desenvolvemento económico de calquera empresa, rexión ou país.
E en especial, diríxese a profesionais e emprendedores/as da área tecnolóxica, a representantes de sectores transformadores da economía dixital galega e ao alumnado que teñan interese no mundo dixital ou na economía dixital.
A asistencia é gratuíta previa inscrición. O aforo é limitado e no caso de acadar o aforo máximo habilitarase lista de espera.
Datas e lugar
24 e 25 de xaneiro de 2017
Edificio Cinc. Cidade da Cultura. Santiago de Compostela.