Título node Learning object
O presente curso ten como finalidade formar e informar sobre o tratamento dos conflitos bélicos na Literatura Infantil e Xuvenil, co obxectivo de salientar aquelas obras que se consideran imprescindibles para a formación lectora no Ensino Primario e Secundario e así axudar á planificación da educación literaria. Esta formación está xeralmente excluída, ou pouco ofertada, nos planos de estudo de licenciaturas, diplomaturas e graos, malia a súa transcendencia en ámbitos básicos como a formación e comprensión lectora e escrita. Analizaranse obras imprescindibles, realizaranse talleres literarios e artísticos, encontros con autores que representaron estes conflitos nas súas obras. Polo tanto, o tema específico a tratar é “Obras imprescindibles para o ensino primario e secundario sobre conflitos bélicos”.
Convocan:
- Universidade de Santiago de Compostela. Instituto de Ciencias da Educación. Grupo de Investigación LITER21. MINECO-FEDER.
- Xunta de Galicia. Consellería de Cultura, Educación e Ordenación Universitaria. Centro Ramón Piñeiro para a Investigación en Humanidades.
- Asociación de Escritoras e Escritores en Lingua Galega.
Datas de celebración: 25-26 de setembro e 2-3 de outubro de 2015.
Lugar: Biblioteca Afundación (Rúa Frei Rosendo Salvado, 14-16, 15701, Santiago de Compostela)
Destinatarios: profesorado de primaria, ESO e bacharelato. Calquera interesado no tema.
Matrícula: ata o 20 de setembro de 2015.
Prezo: 25 €
Solicitada homologación de 16 horas de formación para o profesorado participante.
Nos arquivos anexos pódese descargar: o programa desta actividade e a folla de inscrición.