O Centro de Formación e Recursos de Ourense é un órgano dependente da Consellería de Cultura, Educación e Ordenación Universitaria que ten como finalidade xerar un control activo da formación permanente do profesorado, incorporando periodicamente procesos de mellora e innovación na actualización e formación docente.
OBXECTIVOS
- Situar ó centro educativo como nodo fundamental para a formación do profesorado.
- Implementar unha formación permanente que chegue á aula.
- Incrementar a calidade da formación do profesorado.
FUNCIÓNS
a) Detectar e recoller as demandas e necesidades de formación dos centros.
b) Xestionar e executar as accións formativas.
c) Promover accións de formación do profesorado nos centros.
d) Proporcionar ao profesorado un servizo de documentación e repositorio de materiais educativos en diferentes soportes.
MISIÓN
Promover o desenvolvemento profesional do profesorado para a mellora da práctica educativa, ofertando accións formativas diversificadas, dinámicas e innovadoras, que dean resposta ao dereito e á obriga de todo o profesorado á súa actualización científica, didáctica e relacional.
VISIÓN
Ser un lugar de referencia para o fomento e intercambio de coñecemento, para a innovación pedagóxica, para os recursos dispoñibles no desenvolvemento das accións formativas, buscando a calidade nos servizos prestados, a implicación e satisfacción de todos os axentes que interveñen, na procura da mellora das competencias profesionais docentes.
VALORES
Estimular o carácter dinámico e innovador co obxectivo de estar á vangarda das últimas tendencias metodolóxicas e tecnolóxicas.
Compromiso coa calidade formativa a través da implantación e desenvolvemento de sistemas de xestión dirixidos á mellora continua, acordes a modelos internacionalmente aceptados.