Proxecto Abalar

 Proxecto Abalar pretende cambiar o modelo de centro educativo tradicional ao dun centro educativo dixital, e o noso instituto foi un dos centros seleccionardos para levar a cabo esta experiencia.

A idea xeral é pasar dunha aprendizaxe pasiva a unha aprendizaxe activa, participativa, colaborativa, investigadora; e para iso é preciso incorporar aos centros e ás aulas os novos avances tecnolóxicos.

Este curso as aulas de 1º curso da ESO convértense en aulas Abalar, o que supón dotalas de pizarras dixitais interactivas, canón, conexión wifi, así como un ordenador ultraportátil para cada alumno e alumna.