Publicadas as listaxes definitivas do alumnado con dereito as axudas do fondo solidario de libros de texto para o vindeiro curso 2023/2024.

So se poderá consultar a través da aplicación FONDO LIBROS no menú "cidadán" e de xeito presencial no taboleiro de anuncios do edificio principal do centro, en horario de 9:30 a 13:30 horas.

Tamén se poden retirar os vales de axuda para adquirir material escolar na conserxería do centro no mesmo horario.

O pasado mes de xuño, dúas alumnas do IES Terra de Xallas recolleron cadanseu premio no XX Certame Literario do Concello de Ames ao acadar un 2º e un 3º posto nas modalidades nas que participaron, poesía e narrativa, respectivamente. O acto celebrouse na Casa de Cultura do Milladoiro. As premiadas son Amalia Blanco, de 1º de bacharelato, que conseguiu un segundo posto co seu poema titulado Po, vidro, cal, sol e area; e Soraya Paredes, de 4º da ESO, que recibiu o terceiro premio polo seu relato titulado A arma máis poderosa. O xurado estivo conformado por personalidades do mundo da literatura gañadores doutras edicións do concurso, que tiveronque escoller entre un total de 167 obras.

O pasado venres, 9 de xuño, dúas alumnas do IES Terra de Xallas asistiron á entrega dos premios do concurso de La Voz de Galicia Mellor Xornalista Xuvenil ó acadaren un 2º e un 1º premio nas dúas modalidades nas que participaron, artigo de opinión e entrevista. O acto celebrouse na sede do Museo Santiago Rey Fernández-Latorre, en Arteixo. As premiadas son Laura Calvo, de 1º de bacharelato, que conseguiu un segundo posto cun artigo de opinión sobre os ventres de alugueiro; e Uxía Conde, de 4º da ESO, que recibiu o primeiro premio pola entrevista que lle realizou á súa avoa e na que falaba das penurias da súa mocidade. Os traballos estiveron titorizados pola profesora de Lingua galega e literatura, Maricarme García Ares.