Skip to Content

ACREDITACIÓN DAS COMPETENCIAS DIXITAIS

A Resolución do 28 de febrero do 2024 dicta as instruccións para acreditación das competencias dixitais do alumnado que remata 4º ESO e 2º de Bacharelato no curso 23-24. Tendo en conta dita resolución informamos:

A acreditación das competencias dixitais do alumnado poderá realizarse a través das seguintes modalidades:

  • Ao obter o título da ESO no curso 23-24, o alumnado obtería un certificado que acredita o nivel de iniciación.
  • Se o alumnado que finaliza 4º de ESO quere obter a acreditación dun nivel intermedio, deberá superar unha proba específica.
  • Ao obter o título de Bacharel no curso 23-24, o alumnado acredita ter coñecementos habilidades e aptitudes das áreas de dominio 1, 2, 3 e 5 do nivel intermedio.
  • Se o alumnado que finaliza 2º de Bacharelato quere obter a acreditación dun nivel intermedio, deberá superar unha proba específica para acreditar a área de dominio 4.

O alumnado que desexe realizar a proba específica, deberá entregar no Centro o Anexo IV debidamente cuberto na Secretaría do Centro antes das 13:50h do 15 de marzo. Para máis información: preme aquí

 

VIAXE DE 2º DE BACHARELATO

O pasado mércores 6 de marzo o alumnado de 2º de Bacharelato disfrutou dunha viaxe de tres días organizada polo Departamento de Ciencias Naturais. Visitaron As Médulas, Astorga, Covas de Valporquero, Praia de Bares, Porto de Espasante, Cariño, Cabo Ortegal e os Cantís de Vixía Herbeira. Galería de fotos

 

PROCESO DE RESERVA E ADMISIÓN ALUMNADO CURSO 2024-25

Prazo ordinario de presentación de solicitudes (reserva e admisión): 

a) Solicitude de reserva: do 15 de xaneiro ao 5 de febreiro do 2024.

b) Solicitude ordinaria de admisión: do 1 ao 20 de marzo de 2024. 

Non teño que presentar as solicitudes se ...

- Estou estudando no curso 2023/24 no IES Terra de Xallas (pois teño o dereito de permanencia).

- Estou cursando 6º de Educación Primaria nun centro adscrito ao IES Terra de Xallas (CEIP Plurilingüe Barrié de la Maza, CEIP Plurilingüe Pepe de Xan Baña, CPR Plurilingüe Nuestra Señora Inmaculada), e manifestei a miña intención de continuar estudos no IES Terra de Xallas. Este trámite xa se fai a través do centro adscrito.

Si teño que presentar as solicitudes de se ...

- Non cumpro ningunha das condicións anteriores.

- Procedo doutro centro e quero continuar os meus estudos no IES Terra de Xallas. Neste caso podo solicitar a admisión por dúas vías:

          - No IES Terra de Xallas

          ou

          - A través da páxina web https://www.edu.xunta.gal/admisionalumnado 

A Dirección

 

PROGRAMA PIALE

No primeiro trimestre do ano lectivo 2023-2024 corrente, o profesor do Departamento de Artes Plásticas (Debuxo) do noso centro Suso Samartinho, xunto cunha vintena de colegas doutros centros educativos da Galiza, tivo a oportunidade de realizar en Portugal a “Fase A” da “Modalidade 1” (“Integración. Itinerario formativo en dúas fases”) do programa PIALE (Programa Integral de Aprendizaxe de Línguas Estranxeiras). Para ler máis, preme aquí

 Galería de imaxes

VISITA Á X FEIRA DE MINERAIS

O venres 1 de marzo, o alumnado de 1º da ESO e de 2º de Bacharelato que cursa Xeoloxía visitou a X Feira de Minerais celebrada en Area Central (Santiago de Compostela). O alumnado acudiu a Charla sobre "Cobalto, la fiebre del oro azul" impartida polo xornalista da Vanguardia, Xavier Aldekoa, e participou nos obradoiros de Mineraloxía, Fósiles, Identificación de minerais e Bateo de Ouro. A saída foi organizada polo Departamento de Ciencias Naturais. Se queres coñecer algo máis sobre a visita, Preme aquí.

XUNTANZA DE ORIENTACIÓN CON EX-ALUMNOS/AS

O pasado 29 de febreiro o Departamento de Orientación organizou unha Xuntanza de Orientación onde participaron nove exalumnos/as do Centro. O alumnado de restauración preparou para todos eles un apertitivo de benvida e a continuación desplazáronse o Salón de Actos onde contaron as súas experiencias, motivacións e deron consellos moi valiosos ao alumnado de 4º de ESO, 2º de Bacharelato e Ciclos Básicos de Restauración e Mantemento de Vehículos. Moitas grazas aos nosos exalumnos/as que por un día deixaron os seus traballos e participaron desta nova iniciativa!!! Se queres saber máis sobre a Xuntanza de Orientación, preme aquí.

Distribuir contido


by Dr. Radut