INFORMACIÓN INICIO DE CURSO 23-24

Indicacións a ter en conta na presentación do alumnado o día 11 de setembro:

O alumnado accederá ao centro á hora na que está citado e dirixirase ao salón de actos do instituto para a presentación diante dos seus titores/as.

Unha vez alí, a Directora dará unhas breves indicacións, e ao rematar, cada titor/a irá co seu alumnado a aula asignada para a entrega de horarios e toda a información relativa ao desenvolvemento do novo curso.

Tamén se entregarán ao alumnado os libros que lle corresponden do fondo solidario. Recomendamos que o alumnado beneficiario traia a mochila de clase.

Horarios da presentación

1.º ESO: 11:00 h. (As familias do alumnado de 1º ESO poderán acceder ao salón de actos).

2.º ESO: 11:30 h.

3.º ESO: 11:45 h.

4.º ESO: 12:00 h.

1.º BAC: 12:15 h.

2.º BAC e Ciclos Formativos (básica, medio e superior): 12:30 h.

Publicadas as listaxes definitivas do alumnado con dereito as axudas do fondo solidario de libros de texto para o vindeiro curso 2023/2024.

So se poderá consultar a través da aplicación FONDO LIBROS no menú "cidadán" e de xeito presencial no taboleiro de anuncios do edificio principal do centro, en horario de 9:30 a 13:30 horas.

Tamén se poden retirar os vales de axuda para adquirir material escolar na conserxería do centro no mesmo horario.

O pasado mes de xuño, dúas alumnas do IES Terra de Xallas recolleron cadanseu premio no XX Certame Literario do Concello de Ames ao acadar un 2º e un 3º posto nas modalidades nas que participaron, poesía e narrativa, respectivamente. O acto celebrouse na Casa de Cultura do Milladoiro. As premiadas son Amalia Blanco, de 1º de bacharelato, que conseguiu un segundo posto co seu poema titulado Po, vidro, cal, sol e area; e Soraya Paredes, de 4º da ESO, que recibiu o terceiro premio polo seu relato titulado A arma máis poderosa. O xurado estivo conformado por personalidades do mundo da literatura gañadores doutras edicións do concurso, que tiveronque escoller entre un total de 167 obras.